Girl Raped in Train: మహారాష్ట్రలో దారుణం జరిగింది. రన్నింగ్ ట్రైన్లో ఆరేళ్ల బాలికపై అత్యాచారానికి పాల్పడ్డాడు ఓ కిరాతకుడు. సహ ప్రయాణికులు అతడిని పట్టుకొని పోలీసులకు అప్పగించారు.
ఇదీ జరిగింది..
ఠాణె జిల్లాలోని బద్లాపుర్కు చెందిన ఆరేళ్ల బాలికపై ఈ దారుణం జరిగింది. కుటుంబ సభ్యులతో కలిసి కాశీ ఎక్స్ప్రెస్లో వెళ్తుండగా నిందితుడు అశోక్ ప్రజాపతి.. చిన్నారిపై అఘాయిత్యానికి ఒడిగట్టాడు. ఆ సమయంలో బాలిక కుటుంబ సభ్యులు నిద్రిస్తున్నారు.
అయితే చిన్నారి శబ్దాలకు అప్రమత్తమైన సహ ప్రయాణికులు నిందితుడిని పట్టుకొని పోలీసులకు అప్పగించారు. పోక్సో చట్టం కింద అతడిపై కేసు నమోదైనట్లు పోలీసులు తెలిపారు.
హత్యాచార దోషికి 20 ఏళ్ల జైలు..
మూడేళ్ల క్రితం నాలుగున్నర ఏళ్ల చిన్నారిపై హత్యాచారానికి పాల్పడిన నేరస్థుడికి కఠిన శిక్ష విధించింది ఉత్తర్ప్రదేశ్ ఫరీదాబాద్లోని స్థానిక కోర్టు. దోషిగా తేలిన నసీర్ ఖాన్ అలియాస్ సమీర్ ఖాన్కు 20 ఏళ్ల జైలు శిక్ష సహా రూ.5 వేల జరిమానా విధించింది.
ఇదీ చూడండి: ఆవు దూడపై సామూహిక అత్యాచారం.. వీడియో తీసి పైశాచికానందం
