మధ్యప్రదేశ్ బుర్హాన్పుర్లో దారుణం జరిగింది. ముక్కు కోసేసి ఉన్న బాలిక మృతదేహం దర్గా సమీపంలో లభ్యం కావడం కలకలం రేపింది. బాధితురాలు శుక్రవారం నుంచి కనిపించట్లేదని ఆమె కుటుంబ సభ్యులు తెలిపారు. అప్పటి నుంచి ఆమె కోసం ఎంత వెతికినా ఆచూకీ లేదని అన్నారు. అనంతరం గణపతి పోలీస్ స్టేషన్లో బాధితురాలి కుటుంబ సభ్యులు ఫిర్యాదు చేశారు. కేసు నమోదు చేసుకున్న పోలీసులు బాలిక కోసం వెతకడం ప్రారంభించారు.
పోలీసులు తెలిపిన వివరాల ప్రకారం..
శనివారం ఉదయం ఆజాద్ వార్డులోని జలాలుద్దీన్ షా దర్గా కాంప్లెక్స్‌లోని పొదల్లో బాలిక మృతదేహం స్థానికులకు కనిపించింది. బాలిక చేతులను గుడ్డతో కట్టివేశారు. ఆమె శరీరంపై గాయాలు ఉన్నాయి. బాలిక ముక్కు కోసేసి ఉండడం స్థానికంగా కలకలం రేపింది. సమాచారం అందుకున్న పోలీసులు ఘటనాస్థలికి చేరుకున్నారు. బాలిక మృతదేహాన్ని పోస్టుమార్టం పరీక్షల నిమిత్తం ఆస్పత్రికి తరలించారు. ఈ హత్యపై కేసు నమోదు చేసుకుని నిందితుల కోసం గాలిస్తున్నారు.
క్షుద్రపూజల అనుమానంతో..
ఒడిశా మయుర్భంజ్లో అమానవీయ ఘటన జరిగింది. క్షుద్రపూజలు చేస్తున్నాడన్న అనుమానంతో ఓ వృద్ధుడిని దారుణంగా చంపారు. శరీరం నుంచి తలను వేరు చేశారు. శుక్రవారం రాత్రి జరిగిందీ ఘటన. మృతుడు ఇంటిలో ఒంటరిగా ఉన్న సమయంలో ఈ హత్య జరిగినట్లు పోలీసులు తెలిపారు. సమాచారం అందుకున్న పోలీసులు ఘటనాస్థలికి చేరుకుని వృద్ధుడి మృతదేహాన్ని పోస్టుమార్టం పరీక్షల నిమిత్తం ఆస్పత్రికి తరలించారు. మృతుడిని ఖంగ్రూ సింగ్గా గుర్తించారు.
ఇవీ చదవండి: దిల్లీలో భూకంపం.. భయంతో జనం పరుగులు.. ఆ ప్రాంతంలోనూ ప్రకంపనలు
రాజీవ్ గాంధీ హత్య కేసులో నిందితుల రిలీజ్.. భావోద్వేగంతో కన్నీళ్లు
