తూర్పు దిల్లీలోని గాజిపుర్లో పింకీ అనే యువతిని చేతన్ నిత్యం హింసచేవాడు(ghazipur crime news). తనని పెళ్లిచేసుకోవాలని ఒత్తిడి చేసేవాడు. హింసను తట్టుకోలేక పింకీ అతడిని వివాహం చేసుకుంది. ఆ తర్వాత కూడా చేతన్ ప్రవర్తనలో మార్పు రాలేదు. పింకీని చిత్రహింసలు పెట్టాడు. ఇక చేతన్ నుంచి విముక్తి పొందాలని నిర్ణయించుకున్న పింకీ.. అతడి నుంచి విడాకులు తీసుకుంది.
విడాకులు వచ్చినప్పటికీ పింకీని చేతన్ విడిచిపెట్టలేదు. ఆమెను వెంబడించేవాడు. ఈ క్రమంలోనే పింకీకి రెండో పెళ్లి జరుగుతున్నట్టు, ఆమె కుటుంబసభ్యులు సంబంధాలు వెతుకుతున్నట్టు చేతన్ తెలుసుకున్నాడు. కోపంతో.. మరో వ్యక్తితో కలిసి ఆదివారం నాడు పింకీ ఇంటికెళ్లాడు. చేతన్ తన వెంట యాసిడ్ బాటిల్(acid attack) తీసుకెళ్లి, ఎవరినైనా పెళ్లిచేసుకుంటే ముఖంపై యాసిడ్ పోస్తానని బెదిరించాడు. అదే నిజమవుతుందని భయపడి.. ఆ రోజు రాత్రి ఆమె తన గదిలో ఆత్మహత్య చేసుకుంది.
ఈ విషయాన్ని పింకీ తండ్రి.. పోలీసులకు ఫిర్యాదు చేశాడు. ఘటనాస్థలానికి వెళ్లిన పోలీసులు.. ఆత్మహత్యకు ముందు ఆమె రాసిన లేఖను గుర్తించారు. చేతన్ తనను చిత్రహింసలు పెడుతున్నాడని, తనకు ఇష్టం లేకపోయినా బలవంతం మీద పెళ్లి చేసుకున్నానని ఆ లేఖలో పింకీ రాసింది. విడాకులు తీసుకున్న తర్వాత కూడా చేతన్ తనను విడిచిపెట్టలేదని ఆవేదన వ్యక్తం చేసింది. తనపై యాసిడ్ పోస్తానని బెదిరించడం వల్ల.. తాను ఆత్మహత్య చేసుకుంటున్నట్టు తెలిపింది(ghazipur suicide news).
ఈ వ్యవహారంపై దర్యాప్తు చేపట్టిన పోలీసులు.. పింకీ రాసిన లేఖను ఫోరెన్సిక్ పరీక్షల కోసం పంపించారు.
ఇదీ చూడండి:- అనుమానమే పెనుభూతం- భార్యపై యాసిడ్ దాడి
