నాలుగు రాష్ట్రాలు, కేంద్ర పాలిత ప్రాంతం పుదుచ్చేరికి శుక్రవారం.. ఎన్నికల షెడ్యూల్ను ప్రకటించింది కేంద్ర ఎన్నికల సంఘం(ఈసీ). ఈ నేపథ్యంలో ఆయా రాష్ట్రాల్లో పొత్తులపై చర్చలు ఊపందుకున్నాయి. ఈ సారి తమిళనాట పుంజుకొనే దిశగా భాజపా.. అధికార అన్నాడీఎంకేతో జట్టు కట్టింది. ఈ క్రమంలో సీట్ల సర్దుబాటు విషయంపై చర్చించేందుకు భాజపా రాష్ట్ర ఎన్నికల ఇంఛార్జి, కేంద్ర హోం శాఖ సహాయ మంత్రి కిషన్ రెడ్డి, పార్టీ రాష్ట్ర అధ్యక్షుడు ఎల్ మురుగన్లు ముఖ్యమంత్రి పళనిస్వామి, ఉపముఖ్యమంత్రి పన్నీర్ సెల్వంతో సమావేశమ్యయారు.
తమిళనాడులో 234 అసెంబ్లీ స్థానాలకు ఒకే విడతలో ఏప్రిల్ 6న ఎన్నికలు జరుగుతాయి. మే 2న ఫలితాలు వెల్లడించనున్నారు.
డీఎంకే- కాంగ్రెస్ కూటమిని ఎదుర్కొనేందుకు.. భాజపా- అన్నాడీఎంకే వ్యూహాలు రచిస్తున్నాయి. 2019 లోక్సభ ఎన్నికల్లో 'అన్నాడీఎంకే' కు ఊహించని షాక్ తగిలింది. 39 స్థానాలకు గానూ.. 38 చోట్ల డీఎంకేనే జయభేరి మోగించింది.
కరోనా సమయంలో బిహార్ ఎన్నికల తరువాత నిర్వహించే ఈ పోలింగ్కు ఈసీ తగిన ఏర్పాట్లు చేస్తోంది. మరోవైపు పోలింగ్ సమయాన్ని గంట పెంచారు.
ఇవీ చూడండి:
తమిళనాట 'రాజకీయ శూన్యత' నిజమా? భ్రమా?
