G-23 leaders meet: ఐదు రాష్ట్రాల శాసనసభ ఎన్నికల్లో కాంగ్రెస్‌కు ఘోర పరాభవం ఎదురైన నేపథ్యంలో ఆ పార్టీకి చెందిన గ్రూప్‌-23లోని కొందరు నేతలు సమావేశం కావటం చర్చనీయాంశంగా మారింది. సీనియర్ నేత గులాం నబీ ఆజాద్ దిల్లీ నివాసంలో జరిగిన ఈ భేటీకి.. ఎంపీలు కపిల్‌ సిబల్‌, ఆనంద్‌ శర్మ, మనీష్‌ తివారీ తదితరులు హాజరయ్యారు.
ఐదు రాష్ట్రాల ఎన్నికల్లో పార్టీ పేలవమైన పనితీరు, భవిష్యత్తు కార్యాచరణపై చర్చించినట్లు తెలిసింది. శాసనసభ ఎన్నికల ఫలితాలపై త్వరలో జరగనున్న కాంగ్రెస్ వర్కింగ్‌ కమిటీ సమావేశానికి ముందు.. గ్రూప్‌-23 నేతలు సమావేశం కావటం ప్రాధాన్యం సంతరించుకుంది. పంజాబ్‌లో అధికారం కోల్పోవటం సహా మిగితా నాలుగు రాష్ట్రాల్లో కాంగ్రెస్ పార్టీకి ఘోరమైన ఫలితాలు వచ్చాయి.
ఇదీ చదవండి: 'అభివృద్ధికే వారి ఓటు- అందుకే భాజపాకు అధికారం'
