జమ్ముకశ్మీర్లో మరోసారి డ్రోన్లు కలకలం రేపాయి. సాంబా జిల్లాలోని బారి బ్రాహ్మణ ప్రాంతంలో ఆదివారం అర్ధరాత్రి నాలుగు చోట్ల అనుమాస్పద స్థితిలో డ్రోన్లు కదిలినట్లు జిల్లా సీనియర్ పోలీసు అధికారి తెలిపారు. ఓ డ్రోన్ పోలీసు స్టేషన్కు సమీపంలో కదిలాడగా.. మరొకటి బలాల్ వంతెన వద్ద గమనించినట్లు పేర్కొన్నారు. అలాగే మరో రెండు ఇతర ప్రాంతాలకు సమీపంలో గుర్తించినట్లు అధికారులు వెల్లడించారు.
అంతకుముందు జూన్ 30న.. పాకిస్థాన్కు చెందినట్లు భావిస్తున్న డ్రోన్లు.. సాంబా జిల్లాలో మూడు వేర్వేరు ప్రదేశాలలో సంచరించినట్లు గుర్తించారు. బారి-బ్రాహ్మణ, చిలద్య గగ్వాల్ ప్రాంతాల్లో రాత్రి 8.30 గంటల సమయంలో ఎగురుతున్న డ్రోన్లను అధికారులు గుర్తించినట్లు పేర్కొన్నారు.
ఇదీ చూడండి: భారత్-చైనాల మధ్య 'హాట్‌లైన్'
