అవినీతి ఆరోపణల కేసులో సీబీఐ విచారణకు దేశ్​ముఖ్​

అవినీతి ఆరోపణలు ఎదుర్కొంటున్న మహారాష్ట్ర మాజీ హోంమంత్రి అనిల్​ దేశ్​ముఖ్​ బుధవారం సీబీఐ విచారణకు హాజరయ్యారు. దేశ్​ముఖ్​ వద్ద వ్యక్తిగత సహాయకులుగా పనిచేస్తున్న ఇద్దరిని సీబీఐ ఇప్పటికే విచారించింది.

మహారాష్ట్ర మాజీ హోంమంత్రి అనిల్​ దేశ్​ముఖ్​ బుధవారం సీబీఐ విచారణకు హాజరయ్యారు. విచారణలో భాగంగా 10 గంటలకు డీఆర్​డీఓ అతిథి గృహానికి చేరుకున్నారు.

ముంబయి పోలీస్ మాజీ ​కమిషనర్ పరమ్​బీర్ సింగ్​, మాజీ పోలీస్​ అధికారి సచిన్​ వాజే.. దేశ్​ముఖ్​పై చేసిన అవినీతి ఆరోపణల నేపథ్యంలో సీబీఐ ఆయనకు సమన్లు జారీ చేసింది.

దేశ్​ముఖ్​ వద్ద వ్యక్తిగత సహాయకులుగా పనిచేస్తున్న ఇద్దరిని సీబీఐ ఇప్పటికే విచారించింది. అలాగే.. పరమ్​బీర్​ సింగ్​, సచిన్​ వాజే స్టేట్​మెంట్లను రికార్డు చేసింది.

ఇదీ చదవండి : కరోనాతో కఠిన ఆంక్షల దిశగా పలు రాష్ట్రాలు