కేంద్ర పాలిత ప్రాంతం జమ్ము కశ్మీర్లో పరిస్థితులు ఎలా ఉన్నాయో తెలుసుకోవడానికి 24 దేశాలకు చెందిన రాయబారులు శ్రీనగర్కు వచ్చారు. రెండు రోజుల పాటు (ఫిబ్రవరి 17, 18) జమ్మకశ్మీర్లో పర్యటించి అక్కడ జరుగుతున్న అభివృద్ధి పనులను పరిశీలిస్తారు.
తొలుత రాయబారులకు అక్కడి ప్రజలు సంప్రదాయ కశ్మీరీ నృత్యాలు, పాటలతో స్వాగతం పలికారు. అధికారులు ఏర్పాటు చేసిన విందులో పాల్గొన్నారు. అనంతరం లెఫ్టినెంట్ గవర్నర్ మనోజ్ సిన్హాతో పాటు ఇతర అధికారులు, రాజకీయ నాయకులతో భేటీ కానున్నారు.
బడ్గామ్ జిల్లాలోని మాగామ్ బ్లాక్లోని ప్రజలతో ఫ్రాన్స్ రాయబారి ఇమ్మాన్యుయేల్ లెనైన్, ఇటలీ రాయబారి విన్సెంజో డీ లూసా.. ముచ్చటించారు. అక్కడి పరిస్థితులను అడిగి తెలుసుకున్నారు.
జమ్ముకశ్మీర్కు వచ్చిన వారిలో ఫిన్లాండ్, ఫ్రాన్స్, స్వీడన్, స్పెయిన్, పోర్చుగల్ సహా మరికొన్ని ఐరోపా దేశాల రాయబారులు ఉన్నారు.
జమ్ముకశ్మీర్లో డీడీసీ ఎన్నికలు జరిగాక విదేశీ రాయబారులు రావడం ఇదే తొలిసారి. రాష్టానికి ప్రత్యేక హోదా రద్దు తర్వాత మూడోసారి.
ఇదీ చూడండి: 'జమ్ముకశ్మీర్కు సరైన సమయంలో రాష్ట్ర హోదా'
