పెళ్లి జరిగిన మూడో రోజుకే ఓ యువతి ఉరి వేసుకుని ఆత్మహత్యకు పాల్పడింది. ఈ దుర్ఘటన తమిళనాడులోని వెల్లూరు జిల్లాలో జరిగింది. ఈ ఘటనపై కేసు నమోదు చేసిన పోలీసులు దర్యాప్తు చేపట్టగా బలవంతంగా వివాహం జరిపించడమే ఆమె ఆత్మహత్యకు కారణమని తేలింది.
ఇష్టం లేకపోయినా..
వెల్లూరులోని ముత్తుమండపం ప్రాంతానికి చెందిన (21) ఏళ్ల భువనేశ్వరి నర్సింగ్ మూడో సంవత్సరం చదువుతోంది. ఈనెల 15న ఆమెకు రాణిపెట్టాయ్ జిల్లా కావేరిపక్కంకు చెందిన మణికందన్తో వివాహమైంది. ఈ నేపథ్యంలో బుధవారం యువతి ఆమె ఇంటికి వెళ్లాల్సి ఉండగా.. తెల్లవారుజామున ఉరి వేసుకుని ఆత్మహత్య చేసుకుంది.
వెల్లూరు జిల్లా మెజిస్ట్రేట్ జరిపిన విచారణలో తమ కుమార్తెకు బలవంతంగా పెళ్లి చేశామని, ఆమెకు ఉన్నత విద్య అభ్యసించి ఉద్యోగం చేసుకోవాలని ఉండేదని తల్లిదండ్రులు వెల్లడించారు. గత ఐదు నెలల్లో నిశ్చితార్థం జరిగినప్పటి నుంచి పెళ్లి మధ్య.. వరుడు మణికందన్తో భువనేశ్వరి మూడు సార్లు మాత్రమే మాట్లాడినట్లు దర్యాప్తులో తేలింది.
ఈ ఆత్మహత్య వెనుక కారణం బలవంతపు వివాహమా లేక మరేదైనా ఉందా అన్న కోణంలో పోలీసులు దర్యాప్తును కొనసాగిస్తున్నారు.
ఇదీ చూడండి : 'సాగు చట్టాలు మంచివే.. ఆ విషయం చెప్పడంలోనే మేము విఫలం!'
