Gang rape minor girl: అసోం రాజధాని గువహటిలో ఓ బాలికపై సామూహిక అత్యాచారం జరిగింది. ఐదుగురు యువకులు ఆ చిన్నారిని ఓ గదిలో బంధించి.. ఈ ఆకృత్యానికి పాల్పడ్డారు. అంతటితో ఆగకుండా అత్యాచారం చేసేటప్పుడు వీడియో కూడా తీశారు. దీనిపై పోలీసులకు ఫిర్యాదు చేస్తే వీడియోను సామాజిక మాధ్యమాల్లో విడుదల చేస్తామని బెదిరించినట్లు బాధితురాలి కుటుంబ సభ్యులు తెలిపారు.
ఇదీ జరిగింది..
ఫిబ్రవరి 19న ఓ బాలికను కొందరు యువకులు ఎవరూ లేని.. ప్రదేశానికి రమ్మని చెప్పారు. అక్కడకు వెళ్లిన ఆ అమ్మాయిపై సామూహిక అత్యాచారం చేశారు. ఇదే సమయంలో వారి వద్ద ఉన్న ఫోన్లతో వీడియోలు తీశారు. అనంతరం ఆ బాలికను గువహటిలోని ఓ హోటల్ రూమ్కు తీసుకెళ్లి మరోసారి సామూహిక అత్యాచారానికి పాల్పడ్డారు. ఈ విషయం ఎవరికి అయినా చెప్తే ఈ వీడియోలను నెట్టింట వైరల్ చేస్తామాని బెదిరించారు. అనంతరం ఈ విషయం కుటుంబ సభ్యులకు చెప్పగా.. వారు మార్చి 8 వ తేదీన ఆల్ ఉమన్ పోలీస్ స్టేషన్లో ఫిర్యాదు చేశారు.
దీంతో పోక్సో చట్టం కింద కేసు నమోదు చేసిన పోలీసులు.. దర్యాప్తు చేస్తున్నారు. నిందితులను బికీ అలీ, ఫైజల్ అలీ, పింకూ అలీ, పోనా అలీ, రాజా అలీగా గుర్తించారు. ప్రస్తుతం వీరంతా పరారీలో ఉన్నట్లు తెలిపారు.
ఇదీ చూడండి:
