కల్తీ మద్యం తాగి ఐదుగురు మృతి

ఉత్తర్​ప్రదేశ్​లో కల్తీ మద్యం తాగి ఐదుగురు మృతి చెందారు. మరో 16 మంది అస్వస్థతకు గురయ్యారు. పోలీసులు కేసు నమోదు చేసి దర్యాప్తు చేస్తున్నారు.

ఉత్తర్​ప్రదేశ్​ బులంద్​షహర్ జిల్లా​లో కల్తీ మద్యం తాగి ఐదుగురు మృతి చెందారు. మరో 16 మంది ప్రస్తుతం చికిత్స పొందుతున్నారు.

ఈ ఘటనపై ఉత్తర్​ప్రదేశ్​ ముఖ్యమంత్రి యోగి ఆదిత్యనాథ్ స్పందించారు. బాధ్యులపై కఠిన చర్యలు తీసుకోవాలని ఆదేశించారు. ఈ వ్యవహారానికి సంబంధించి ఇప్పటికే ముగ్గురు పోలీస్ అధికారులు, ఓ స్టేషన్​ ఇన్​ఛార్జ్​ను సస్పెండ్​ చేసినట్లు జిల్లా ఎస్​ఎస్​పీ తెలిపారు.

జిల్లాలోని అన్ని మద్యం షాపుల్లో తనిఖీలు నిర్వహిస్తున్నట్లు బులంద్​​షహర్​ జిల్లా కలెక్టర్​ రవీంద్ర కుమార్​ చెప్పారు.

ఇదీ చదవండి: 'బదాయూ' ప్రధాన నిందితుడు అరెస్ట్