ఐఈడీ బాంబు పేలుడులో ఐదుగురు సీఆర్పీఎఫ్ జవాన్లు గాయపడ్డారు. భద్రతా బలగాలు.. నక్సల్స్ ఏరివేతకు ఆపరేషన్ నిర్వహిస్తుండగా ఝార్ఖండ్లోని ఛాయిభాసాలో జరిగిందీ ఘటన. క్షతగాత్రులను రాంచీలోని ఓ ఆస్పత్రికి తరలించి, చికిత్స అందిస్తున్నారు.
సీఆర్పీఎఫ్ జవాన్ మృతి..
ఛత్తీస్గఢ్లో భద్రతా బలగాలు, మావోయిస్టుల మధ్య కాల్పులు జరిగాయి. ఈ కాల్పుల్లో ఒక సీఆర్పీఎఫ్ జవాన్ మరణించారు. పోలీసులు, సీఆర్పీఎఫ్ దళాలు సంయుక్తంగా ఈ ఆపరేషన్ను నిర్వహించాయి. బీజాపుర్లోని పామర్ ప్రాంతంలో ఐదుగురు మావోయిస్టులను పోలీసులు అరెస్ట్ చేశారు.
అరెస్టైన వారిలో తెలం నగేష్, గుండి లింగయ్య, గుండి రామారావు, శ్యాము, కరమ్ కామా ఉన్నారు. నిందితులందరినీ పోలీసులు కోర్టులో హాజరుపరిచి అనంతరం జైలుకు తరలించారు.
