యూపీ ప్రభుత్వ ఆసుపత్రిలో అగ్నిప్రమాదం

ఉత్తర్​ప్రదేశ్​లోని ఓ ప్రభుత్వ ఆసుపత్రిలో మంటలు చెలరేగాయి. ఎటువంటి ప్రాణనష్టం జరగలేదని అధికారులు వెల్లడించారు. ఈ ప్రమాదంపై స్పందించిన సీఎం యోగి ఆదిత్యనాథ్​.. సమగ్ర నివేదిక ఇవ్వాలని అధికారులను ఆదేశించారు.

ఉత్తర్​ప్రదేశ్​ కాన్పుర్​లోని ప్రభుత్వ ఆసుపత్రిలో అగ్నిప్రమాదం సంభవించింది. ఆసుపత్రిలోని కార్డియాలజీ విభాగంలో మంటలు చెలరేగాయి. అయితే ఎలాంటి ప్రాణ నష్టం జరగలేదని అధికారులు తెలిపారు.

ఈ ఘటనపై సీఎం యోగి ఆదిత్యనాథ్​ స్పందించారు. తక్షణమే రోగులను ఖాళీ చేయించి.. వారికి తగిన సౌకర్యాలను కల్పించాలని ఆధికారులకు సూచించారు. ఘటనపై నివేదిక ఇవ్వాలని జిల్లా యంత్రాంగాన్ని ఆదేశించారు.

ప్రధాన కార్యదర్శి, వైద్యవిద్య విభాగ అధిపతులు, అగ్నిమాపక విభాగ డైరెక్టర్​ జనరల్​ సహా ఉన్నత స్థాయి బృందం.. ఘటనా స్థలాన్ని సందర్శించి నివేదిక సమర్పించాలని కూడా ఆదేశించారు యోగి.

ఈ ఘటనకు కారణమేంటన్నది ఇంకా తెలియరాలేదు.

ఇదీ చూడండి: గ్యాస్​ సిలిండర్ పేలుడు- ఏడుగురికి గాయాలు