Film Producer Arrested: ప్రముఖ మలయాళ చిత్రనిర్మాత సనల్ కుమార్ శశిధరన్ను పోలీసులు అరెస్టు చేశారు. సోషల్ మీడియా ద్వారా బ్లాక్ మెయిల్ చేసి తన ప్రతిష్ఠను దిగజార్చారని నటి మంజు వారియర్ దాఖలు చేసిన ఫిర్యాదు ఆధారంగా పోలీసులు తిరువనంతపురంలోని నెయ్యట్టింకర ప్రాంతంలో అరెస్ట్ చేశారు. అయితే అతనిపై ఏ సెక్షన్ల కింద కేసు నమోదు చేశారనే విషయంపై పోలీసులు ఎలాంటి వివరాలు వెల్లడించలేదు.
పోలీసుల కథనం ప్రకారం.. నటి మంజు వారియర్ తనను బ్లాక్మెయిల్ చేశాడని నిర్మాత శశిధరన్పై ఫిర్యాదు చేసింది. అది తెలుసుకున్న అతడు ఫేస్బుక్ లైవ్లో తన ప్రాణాలకు ముప్పు ఉందని ఆరోపించాడు. ఆ తర్వాత పోలీసులు అతడిని అరెస్టు చేశారు. అయితే ఇటీవలే శశిధరన్ ఫేస్బుక్లో వరుస పోస్టులు చేశారు. మంజు వారియర్ ప్రాణాలకు ముప్పు ఉందని, కొన్ని స్వార్థ ప్రయోజనాల కోసం వేరే వ్యక్తుల నియంత్రణలో ఆమె ఉంటుందని ఆరోపించాడు. ఆమె మేనజర్లపై కూడా శశిధరన్ తీవ్ర ఆరోపణలు చేశాడు. ఇటీవల కేరళలో జరిగిన వివిధ ఘటనలకు సంబంధించి భారత రాష్ట్రపతి, సుప్రీంకోర్టు ప్రధాన న్యాయమూర్తికి లేఖ రాసినట్లు శశిధరన్ తెలిపాడు. కానీ, అతడి పోస్ట్‌లపై నటి పూర్తిగా స్పందించలేదు. శశిధరన్పై మంజు వారియర్ బుధవారం పోలీసులకు ఫిర్యాదు చేసినట్లు సమాచారం.
ఇదీ చదవండి: ఆటోపై 'మినీ తోట'.. సమ్మర్లో సూపర్ కూల్.. సెల్ఫీలతో ఎక్స్ట్రా ఇన్కమ్!
