మినీ అసెంబ్లీ పోరులో 'నోటా'కు తగ్గిన ఓట్లు

నాలుగు రాష్ట్రాలు, ఓ కేంద్రపాలిత ప్రాంత ఎన్నికల ఫలితాల్లో 'నోటా'కు లభించిన ఓట్ల వివరాలను ఎన్నికల సంఘం వెల్లడించింది. చాలా తక్కువ మంది దీనిని ఎంపిక చేసుకున్నట్లు తెలిపింది.

నాలుగు రాష్ట్రాలు సహా.. ఓ కేంద్ర పాలిత ప్రాంతానికి జరిగిన ఎన్నికల్లో 'నోటా'ను చాలా తక్కువ మంది ఎంపిక చేసినట్లు ఈసీ ప్రకటించింది.

నోటాపై ఎన్నికల సంఘం లెక్కలిలా..

• అసోంలో పోలైన మొత్తం ఓట్లలో 1,54,399(1.22శాతం) మంది నోటాకు జైకొట్టారు.
• కేరళలో 91,715(0.5శాతం) మంది ఓటర్లు నోటాకు ఓటేశారు.
• తమిళనాడులో పోలైన మొత్తం ఓట్లలో 1,84,604(0.78శాతం)మంది నోటా మీటను నొక్కారు.
• బంగాల్‌లో 5,23,001(1.1శాతం) మంది నోటాను ఉపయోగించుకున్నారు.
• పుదుచ్చేరిలో 9,006(1.30శాతం) మంది 'పై వారు ఎవరూ కాదని' తెలిపారు.

సుప్రీం తీర్పుతో ఈసీ 'నోటా'ను 2013 అసెంబ్లీ ఎన్నికల్లో తీసుకొచ్చింది. అనంతరం.. 2014 సార్వత్రిక ఎన్నికల్లో పూర్తిస్థాయిలో ప్రవేశపెట్టారు.

ఇవీ చదవండి: 'నోటాకు ఎక్కువ ఓట్లు వస్తే ఎన్నిక రద్దు?'