కేంద్ర ప్రభుత్వం ప్రతిష్ఠాత్మకంగా చేపడుతున్న సెంట్రల్ విస్టా ప్రాజెక్టుకు పర్యావరణ అనుమతుల మంజూరుకు నిపుణుల కమిటీ సిఫార్సు చేసింది. అయితే ప్రస్తుత నిర్మాణాలను కూల్చివేసే సమయంలో ఎలాంటి వాయు కాలుష్యం లేకుండా చూడాలని స్పష్టం చేసింది. ప్రాజెక్టు పనుల సందర్భంగా తీసుకోవాల్సిన జాగ్రత్తలను డెవలపర్కు వివరించింది.
ఈనెల 17న నిర్వహించిన సమావేశంలో కమిటీ ఈ మేరకు నిర్ణయం తీసుకుంది. సమావేశ వివరాలను సోమవారం కేంద్ర పర్యావరణ శాఖ వెబ్సైట్లో ఉంచారు. నిపుణుల కమిటీ సిఫార్సులతో ప్రాజెక్టుకు కేంద్ర పర్యావరణ శాఖ అనుమతులకు మార్గం సుగుమం అయింది. సెంట్రల్ విస్టా ప్రాజెక్టులలో భాగంగా కొత్త పార్లమెంటు భవనం, తదితర నిర్మాణాలు చేపట్టనున్నారు.
ఇదీ చదవండి:వాహనాలపై ఆ స్టిక్కర్లు ఉంటే.. ఇక అంతే!
