Jammu Kashmir Encounter: జమ్ముకశ్మీర్లో భద్రతా బలగాలకు, ఉగ్రవాదులకు మధ్య ఆదివారం తెల్లవారుజామున ఎదురుకాల్పులు జరిగాయి. శ్రీనగర్లోని హర్వాన్ ప్రాంతంలో జరిగిన ఈ ఘటనలో గుర్తు తెలియని ఓ ముష్కరుడ్ని పోలీసులు హతమార్చారు. ఈ మేరకు కశ్మీర్ జోన్ పోలీసులు తెలిపారు.
హర్వాన్ ప్రాంతంలో ముష్కరులు ఉన్నారని తమకు సమాచారం అందిందని పోలీసులు తెలిపారు. దీంతో ఆ ప్రాంతాన్ని తనిఖీ చేస్తుండగా.. ఉగ్రవాదులు కాల్పులకు తెగబడ్డారని చెప్పారు.
ముష్కరులకు, పోలీసులుకు మధ్య కాల్పులు కొనసాగుతున్నట్లు పోలీసులు పేర్కొన్నారు. పరిసర ప్రాంతాల్లో కట్టుదిట్ట భద్రతను ఏర్పాటు చేశారు.
ఇదీ చూడండి: కశ్మీర్లో మోస్ట్ వాంటెడ్ టెర్రరిస్ట్ హతం
