రాష్ట్రంలో జరగబోయే అసెంబ్లీ ఎన్నికలకు ఏర్పాట్లను సమీక్షించేందుకు కేంద్ర ఎన్నికల సంఘం(ఈసీ) మార్చి 23న బంగాల్కు వెళ్లే అవకాశముందని అధికార వర్గాలు తెలిపాయి. 294 స్థానాలకు ఎనిమిది దశల్లో ఈ నెల 27 నుంచి ఎన్నికలు ప్రారంభం కానున్న ఈ తరుణంలో ఈసీ ఎన్నికల సన్నాహాలను సమీక్షించనున్నట్లు తెలుస్తోంది.
"ఎన్నికల ఏర్పాట్లను పర్యవేక్షించడానికి ఈసీ పూర్తి బెంచ్.. మార్చి 23న బంగాల్కు వెళ్లే అవకాశముంది. ఆ రాష్ట్ర సీనియర్ పాలనాధికారులతో భేటీ అవుతారు. ముఖ్యంగా మొదటి దశలో ఎన్నికలు జరగనున్న ప్రాంతాల్లో పరిస్థితులను సమీక్షిస్తారు" అని ఓ ఎన్నికల అధికారి తెలిపారు.
మొదటి దశ ఎన్నికలలో 191 మంది అభ్యర్థులు పోటీ చేయడానికి అర్హులని ఆయన వెల్లడించారు. రెండో దశలో మొత్తం 172 మంది అభ్యర్థులు ఎన్నికల బరిలోకి నిలిచినట్లు పేర్కొన్నారు.
మొదటి దశ పోలింగ్ పురులియా, బంకురా, ఝర్గ్రామ్, పూర్బా మెదినీపుర్, పశ్చిమ్ మెదినిపుర్లలో జరుగుతుంది.
ఇదీ చూడండి: 157 మంది అభ్యర్థులతో భాజపా 'బంగాల్' జాబితా
