Drugs Seized in Mizoram: మిజోరంలోని వివిధ ప్రాంతాలలో రూ.8 కోట్లపైనే విలువ చేసే హెరాయిన్ను స్వాధీనం చేసుకున్నట్లు అసోం రైఫిల్స్ పారామిలటరీ దళం మంగళవారం తెలిపింది.
ఇండో-మయన్మార్ సరిహద్దులోని జోఖౌతార్ గ్రామంలో మంగళవారం రూ.5.23 కోట్ల విలువైన 1.3 కిలోల హెరాయిన్ను స్వాధీనం చేసుకున్నట్లు అధికారులు ఓ ప్రకటనలో తెలిపారు. ముందస్తు సమాచారంతోనే తనిఖీలు నిర్వహించినట్లు పేర్కొన్నారు. నిందితులు సబ్బు పెట్టెల్లో హెరాయిన్ను అక్రమంగా తరలిస్తున్నారని వెల్లడించారు. మయన్మార్ నుంచి హెరాయిన్ను అక్రమంగా రవాణా చేస్తున్నట్లు అధికారులు భావిస్తున్నారు. ఈ వ్యవహారంలో ఓ వ్యక్తిని అదుపులోకి తీసుకున్నట్లు తెలిపారు.
మరో ఘటనలో సోమవారం తెల్లవారుజామున, ఇండో-మయన్మార్ సరిహద్దులో సిబ్బంది రూ. 3.12 కోట్ల విలువైన 780 గ్రాముల హెరాయిన్ను స్వాధీనం చేసుకున్నట్లు అధికారి తెలిపారు. ఐజ్వాల్‌కు సమీపంలో 107 గ్రాముల హెరాయిన్ను స్వాధీనం చేసుకుని ఓ వ్యక్తిని అరెస్టు చేసినట్లు మిజోరం నార్కోటిక్స్ విభాగం మంగళవారం ఒక ప్రకటనలో తెలిపింది.
ఇదీ చదవండి: పోర్న్ వీడియోలు చూసి ఇద్దరు బాలికలపై మైనర్ల గ్యాంగ్రేప్
