రాజస్థాన్ బాడ్మేర్ పోలీసులు ఇటీవల చేసిన ఎన్కౌంటర్ వివాదాస్పదమైంది. యాక్సిడెంట్ చేసి పరారైన కేసులో నిందితుడిని పట్టుకునే క్రమంలో పోలీసులు అతనిపై కాల్పులు జరిపారు. సామాజిక మాధ్యమాల్లో ఈ వీడియో వైరల్ అయింది. అయితే.. ఈ ఎన్కౌంటర్పై అనుమానాలు వ్యక్తమవుతున్నాయి.
ఇదీ జరిగింది..
ఏప్రిల్ 22న రాత్రి 9-10 గంటల మధ్య బాడ్మేర్ పోలీసులు.. కమలేశ్ ప్రజాపతి అనే వ్యక్తిని ఎన్కౌంటర్ చేశారు. ఈ ఘటనలో నిందితుడు మృతి చెందాడు. తమను తాము రక్షించుకునేందుకే ఈ ఎన్కౌంటర్ చేసినట్లు పోలీసులు తెలిపారు. కానీ, ఎన్కౌంటర్ జరిగిన సమయంలో పోలీసులు కమలేశ్ ప్రజాపతి ఇంటిని చుట్టుముట్టినట్లు వైరల్ అయిన వీడియోలో స్పష్టంగా కనిసిస్తోంది.
"పోలీసులు తన ఇంటి వద్దకు చేరుకున్నాక కమలేశ్ పారిపోయేందుకు ప్రయత్నించాడు. ఈ క్రమంలో ఓ పోలీసు కానిస్టేబుల్పై వాహనం ఎక్కించబోయాడు. ఈ కారణంగానే ఎన్కౌంటర్ జరిపారు. వీడియో చూసిన వారు అది ప్రజాపతి ఇళ్లు అని ఎలా భావిస్తున్నారు. అది ఆయన ఫ్యాక్టరీ కూడా అయి ఉండొచ్చు కదా?" అని బార్మేడ్ ఎస్పీ ఆనంద్ శర్మ అన్నారు. ఈ నేపథ్యంలో.. ఇది పోలీసుల కుట్ర అని కొందరు విమర్శలు గుప్పించారు.
పాలీ జిల్లాలో జరిగిన హిట్ అండ్ రన్ కేసులో ప్రజాపతి నిందితుడిగా ఉన్నాడని సీనియర్ పోలీసు అధికారి తెలిపారు.
ఇదీ చదవండి:కరోనా ఆంక్షలు బేఖాతరు- యువకులతో కప్పగంతులు
