Direct To Mobile Technology In India : 'డైరెక్ట్ టు మొబైల్ (D2M)' బ్రాడ్కాస్టింగ్ సాంకేతికత వచ్చే ఏడాదికల్లా సాధారణ ప్రజలకు అందుబాటులోకి తీసుకొచ్చే అవకాశం ఉందని భారత శాస్త్ర సాంకేతిక విభాగం కార్యదర్శి అభయ్ కరాండికర్ తెలిపారు. ఇంటర్నెట్తో పాటు ఈ కొత్త సాంకేతికత కూడా వినియోగంలో ఉంటుందని వెల్లడించారు. అయితే ప్రస్తుతం ఈ సాంకేతికతపై ల్యాబ్ ట్రయల్స్ జరగుతున్నాయని చెప్పారు. ఆ తర్వాత నగరాల వారీగా ల్యాబ్ ట్రయల్స్ చేయాల్సి ఉందన్నారు. దీంతో ఈ సాంకేతికత సామర్థ్యాన్ని ప్రదర్శించవచ్చని తెలిపారు.
"వచ్చే ఏడాదికల్లా ఈ D2M సాంకేతికతను సాధారణ ప్రజల కోసం దేశీయంగా అభివృద్ధి చేసిన వ్యవస్థతో ప్రారంభిస్తాము. అయితే ఇది ఇంటర్నెట్కు పోటీ కాదు. ఉదాహరణకు మీరు ఇంటర్నెట్ ద్వారా ఓటీటీ వినియోగిస్తున్నారు. ఇక నుంచి D2M ద్వారా ఇంటర్నెట్ లేకుండానే ఓటీటీ ఉపయోగించుకోవచ్చు. ఈ D2M, ఇంటర్నెట్తో పాటు వాడకంలో ఉన్న వైఫై సాంకేతికతను పోలి ఉంటుంది. ఇది కూడా ఇంటర్నెట్తో పాటు మనుగడ సాగించగలదు."
-- అభయ్ కరాండికర్, భారత శాస్త్ర సాంకేతిక విభాగం కార్యదర్శి
గ్రామీణ ప్రాంతాల్లో నివసించే ప్రజలకు ఈ సాంకేతికత ఎలా ఉపయోగపడుతుందో అభయ్ కరాండికర్ వివరించారు. 'గ్రామీణ ప్రాంతాల్లో చాలా మంది తక్కువ స్థాయి స్మార్ట్ఫోన్లు, 3జీ కనెక్షన్లు వినియోగిస్తున్నారు. వారు ఇంకా హై- స్పీడ్ డేటాకు మారలేదు. అయితే D2M టెక్నాలజీ ద్వారా, హై-స్పీడ్ ఇంటర్నెట్ కనెక్షన్ లేకుండానే డేటాను వినియోగించుకోవచ్చు' అని తెలిపారు.
-
#WATCH | On 'direct-to-mobile' (D2M) broadcasting technology, Dr Abhay Karandikar, Secretary, Department of Science of Technology (DST) says, "It will be disruptive because the D2M has the potential to really revolutionize the broadcast industry. It will not be a competition to… pic.twitter.com/11ms7CEzgH
— ANI (@ANI) January 16, 2024 " class="align-text-top noRightClick twitterSection" data="
">#WATCH | On 'direct-to-mobile' (D2M) broadcasting technology, Dr Abhay Karandikar, Secretary, Department of Science of Technology (DST) says, "It will be disruptive because the D2M has the potential to really revolutionize the broadcast industry. It will not be a competition to… pic.twitter.com/11ms7CEzgH
— ANI (@ANI) January 16, 2024#WATCH | On 'direct-to-mobile' (D2M) broadcasting technology, Dr Abhay Karandikar, Secretary, Department of Science of Technology (DST) says, "It will be disruptive because the D2M has the potential to really revolutionize the broadcast industry. It will not be a competition to… pic.twitter.com/11ms7CEzgH
— ANI (@ANI) January 16, 2024
ఏమిటీ D2M సాంకేతికత ?
D2M సాంకేతికతకు ఇంటర్నెట్ కనెక్షన్ అవసరం ఉండదు. దీని ద్వారా నేరుగా మొబైల్ ఫోన్‌లకు వీడియో, ఇతర రకాల మల్టీమీడియా కంటెంట్ను ప్రసారం చేయొచ్చు. ఉదాహరణకు, మనం ఎఫ్ఎమ్ రేడియోలో వివిధ ఛానళ్లలో వార్తలు, పాటలు వింటుంటాం. ఇందులో వివిధ రకాల ఫ్రీక్వెన్సీలతో వివిధ రేడియో సంస్థలు ఉంటాయి. అవి వాటి కంటెంట్ను బ్రాడ్కాస్ట్ చేస్తాయి. మన స్మార్ట్ ఫోన్లో ఉన్న ఎఫ్ఎమ్, ఆ రేడియో సిగ్నల్స్ను ట్యూన్ చేస్తుంది. దీంతో మనకు నచ్చిన ఎఫ్ఎమ్ను వినొచ్చు. అలాగే డీటీహెచ్లో కూడా ఉపగ్రహాల నుంచి టీవీ సిగ్నల్స్ను మన ఇళ్లపై ఉండే డిష్ యాంటెనా రిసీవ్ చేసుకుంటుంది. తర్వాత సెట్ టాప్ బాక్స్ ఆ సిగ్నల్స్ను ట్యూన్ చేసి మనకు నచ్చిన ఛానల్ చూసేలా చేస్తుంది. అచ్చం D2M సాంకేతికత కూడా ఇలాగే పని చేస్తుంది. ఇంటర్నెట్ అవసరం లేకుండా మనకు నచ్చిన టీవీ ఛానల్, ఓటీటీ కంటెంట్ను కూడా చూడొచ్చు.
అయితే ప్రస్తుతం ఉన్న మొబైళ్లు ఈ సాంకేతికతకు సపోర్ట్ చేయవు. దీని కోసం మొబైళ్లలో యాంటెనా, తక్కువ శబ్దం చేసే యాంప్లిఫైయర్లు, బేస్బ్యాండ్ ఫిల్టర్లు, రిసీవర్, ప్రత్యేక బేస్బ్యాండ్ ప్రాసెసింగ్ యూనిట్ ఉండాలి.
గూగుల్ మ్యాప్స్లోనూ లైవ్ లొకేషన్ షేరింగ్- ఎలాగో తెలుసా?
అమెరికా ల్యాండర్ ప్రయోగం విఫలం- చంద్రుడిపైకి మనుషుల్ని పంపే మిషన్ వాయిదా
