ఉత్తరాఖండ్ నూతన ముఖ్యమంత్రిగా బాధ్యతలు చేపట్టిన తీరథ్ సింగ్ రావత్ కుంభమేళాకు సంబంధించి కీలక ప్రకటన చేశారు. మహాశివరాత్రి సందర్భంగా కుంభమేళా యాత్రికులపై హెలికాప్టర్ల ద్వారా పూల వర్షం కురిపించాలని ఆదేశాలు జారీ చేశారు. ప్రమాణస్వీకారం అనంతరం సీనియర్ అధికారులతో బుధవారం జరిగిన సమావేశంలో భాగంగా ఈ నిర్ణయం తీసుకున్నారు.
"రాష్ట్రాభివృద్ధి కోసం మనం అందరం కలిసికట్టుగా పనిచేయాలి. ప్రజాప్రతినిధులు, అధికారులది ఇందులో కీలక పాత్ర. అందరం అంకిత భావంతో విధులు నిర్వహించాలి. తగిన జాగ్రత్తలు తీసుకుంటూనే కుంభమేళాకు వచ్చిన యాత్రికులకు ఎలాంటి ఇబ్బందులు తలెత్తకుండా చర్యలు తీసుకోవాలి."
-తీరథ్ సింగ్ రావత్, ఉత్తరాఖండ్ ముఖ్యమంత్రి
ముఖ్యమంత్రిగా బాధ్యతలు చేపట్టాక రావత్ తీసుకున్న తొలి నిర్ణయం ఇదే కావడం గమనార్హం.
ఇదీ చదవండి : ఉత్తరాఖండ్ సీఎంగా తీరథ్ సింగ్ ప్రమాణం
