వీధివ్యాపారుల సమగ్ర అభివృద్ధి కోసం అమలు చేసిన 'ప్రధానమంత్రి స్ట్రీట్ వెండర్స్ ఆత్మనిర్భర్ నిధి పథకం' కింద రూ. 10 వేలు లోన్ ఇప్పించాలంటూ దాఖలైన ఓ ప్రజాప్రయోజన వ్యాజ్యాన్ని తోసిపుచ్చింది దిల్లీ హైకోర్టు(Delhi High Court News). ఛీఫ్ జస్టిస్ డీఎన్ పటేల్, జస్టిస్ జ్యోతి సింగ్ నేతృత్వంలోని ధర్మాసనం ఈ మేరకు విచారణ చేపట్టింది. సరైన ఆధారాలు చూపి దరఖాస్తు చేయనివారికి ఆర్థిక సాయం ఎలా అందుతుందని ప్రశ్నించింది. ఇలాంటి పిటిషన్లను ప్రోత్సహించమని తెలిపింది.
"ముందుగా లోన్ పొందడం కోసం సదరు వ్యక్తి దరఖాస్తు చేసుకోవాలి. సరైన ఆధారాలు చూపించుకోవాలి. కచ్చితంగా లోన్ వస్తుందని ఎక్కడా లేదు. వారికి ఆర్థిక సాయం అందించాలని చెప్పడానికి పిటిషనర్ అర్హుడు కాదు." అని ధర్మాసనం తీర్పు ఇచ్చింది. ఈ పిటిషన్ను కొట్టేసి.. రూ. 25వేలు జరిమానా విధించింది.
కొందరు వ్యక్తులకు రూ. 10 వేలు లోన్ ఇప్పించాలంటూ ఓ న్యాయవాది తొలుత దిల్లీ హైకోర్టులో ఈ పిటిషన్ దాఖలు చేశారు.
ఇదీ చదవండి:PM CARES Fund: 'పీఎం కేర్స్ ఫండ్ ప్రభుత్వ నిధి కాదు'
