ప్రింట్‌, డిజిటల్‌, ఎలక్ట్రానిక్‌ మీడియా ప్రతినిధులకు త్వరలో టీకాలు అందిస్తామని దిల్లీ ప్రభుత్వం పేర్కొంది. మీడియా కార్యాలయాల్లోనే సిబ్బందికి వ్యాక్సిన్లు ఇస్తామని తెలిపింది. టీకాల ఖర్చును కూడా తామే భరిస్తామని పేర్కొంది. మీడియా సిబ్బందిని కూడా కొవిడ్ వారియర్స్ కేటగిరీలో చేర్చి వారికి బీమా అందించాలని.. కేంద్ర, రాష్ట్ర ప్రభుత్వాలకు ప్రెస్ కౌన్సిల్ ఆఫ్ ఇండియా గురువారం సిఫార్సులు చేసింది.
ఇప్పటికే ఒడిశా, బిహార్, మధ్యప్రదేశ్ ప్రభుత్వాలు.. జర్నలిస్టులను కొవిడ్ వారియర్ల కేటగిరీలో చేర్చాయి. వారికి ఆర్థిక సహాయం అందించాయి. ఉత్తర్ప్రదేశ్ ప్రభుత్వం కూడా.. మీడియా సిబ్బందికి వ్యాక్సినేషన్ ప్రక్రియలో ప్రాధాన్యం కల్పించింది.
ఇదీ చదవండి: ఉత్తర్ప్రదేశ్లోనూ ఓ మృగరాజుకు కరోనా
