మదర్సాల్లో ఎలాంటి హిందూ మత గ్రంథాలను బోధించమని నేషనల్ ఇన్స్టిట్యూట్ ఆఫ్ ఓపెన్ స్కూలింగ్ (ఎన్ఐఓఎస్) గురువారం వెల్లడించింది. విద్యార్థులు తమకు నచ్చిన పాఠ్యాంశాలను ఎంచుకోవచ్చని పేర్కొంది. మదర్సాల్లో భగవద్గీత, రామాయణాన్ని పాఠ్యాంశాలుగా ఎన్ఐఓఎస్ ప్రవేశపెట్టనుందని బుధవారం వచ్చిన వార్తలపై ఎన్ఐఓఎస్ ఈ విధంగా స్పందించింది.
వివిధ రకాల కోర్సులను అందిస్తూ మదర్సాల్లో నాణ్యమైన విద్య కోసం ఎన్ఐఓఎస్ కృషి చేస్తోంది. అధికారిక విద్యా విధానానికి భిన్నంగా ఇందులో విద్యార్థులు వారికి నచ్చిన విషయాలను పాఠ్యాంశాలుగా ఎంచుకోవచ్చు.
-ఎన్ఐఓఎస్
ప్రస్తుతం ఎన్ఐఓఎస్ పరిధిలో 100 మదర్సాలు ఉన్నాయి. 50వేల మంది విద్యార్థులు వీటిలో విద్యను అభ్యసిస్తున్నారు. భవిష్యత్తులో మరో 500 మదర్సాలను తన పరిధిలోకి తీసుకునేందుకు ఎన్ఐఓఎస్ కృషి చేస్తోంది.
ఇదీ చదవండి : 'వృద్ధుల చికిత్సకు ఆస్పత్రులు ప్రాధాన్యం ఇవ్వాల్సిందే'
