కరోనా విజృంభణ కారణంగా వాయిదా పడ్డ జన గణన ఈ ఏడాది ప్రారంభమయ్యే అవకాశాలు ఉన్నాయని కాంగ్రెస్ ఎంపీ ఆనంద్శర్మ నేతృత్వంలోని పార్లమెంటరీ స్థాయి సంఘానికి కేంద్ర హోం మంత్రిత్వ శాఖ నివేదించింది. ఈ మేరకు ఐదు సంవత్సరాల ప్రణాళికను ప్యానల్ ముందు ఉంచింది. అయితే వీటికి సంబంధించి ఇంకా కార్యాచరణ రూపొందించలేదని వివరించింది. ఈ ప్రక్రియ ద్వారా దేశవ్యాప్తంగా ప్రజల ఇళ్ల పరిస్థితులు, సౌకర్యాలు, ఆస్తుల వివరాలను సేకరించనున్నారు. జనగణన మొదటిదశలో భాగంగా జాతీయ జనాభా పట్టిక(ఎన్పీఆర్) తాజా వివరాలను సైతం పొందుపరచాలని ప్రభుత్వం భావిస్తోంది.
2022-23లో జనాభా, మతం, ఎస్సీ, ఎస్టీ జనాభా, భాష, అక్షరాస్యత, విద్య, ఉపాధి, వలస, సంతానం.. తదితర వివరాలను సేకరించనున్నారు. జనగణన కోసం రూ. 8,754.23 కోట్లు, జాతీయ జనాభా పట్టిక(ఎన్పీఆర్) ప్రక్రియ కోసం రూ. 3,941.35 కోట్లను కేటాయించింది కేంద్ర ప్రభుత్వం.
ఇదీ చదవండి : ఆర్మీ నియామకాల స్కాంలో 23మందిపై కేసు
