మహిళలపై లైంగిక అకృత్యాలు రోజురోజుకీ మితిమీరిపోతున్నాయి. ఎన్ని కఠిన చట్టాలు తీసుకొస్తున్నా అతివలపై దారుణాలు మాత్రం ఆగడంలేదు. తాజాగా ఉత్తరప్రదేశ్‌లో మరో పాశవిక ఘటన జరిగింది.
అసలేం జరిగిందంటే..
భదోహీ జిల్లాలోని ఓ గ్రామానికి చెందిన యువతిని.. మరో గ్రామానికి చెందిన ఓ వ్యక్తి(30) అపహరించి, అనేక సార్లు అత్యాచారానికి పాల్పడ్డాడు. ఈ మేరకు బాధితురాలి తండ్రి.. జ్ఞాన్పుర్ పోలీస్ స్టేషన్లో ఆగస్టు 17న పోలీసులకు ఫిర్యాదు చేశాడు. దీనిపై ఎఫ్ఐఆర్ నమోదు చేసిన పోలీసులు.. నిందితుడిని పట్టుకునేందుకు సోదాలు నిర్వహించారు. కానీ, ప్రయోజనం లేకుండా పోయింది. ఈ క్రమంలో బాధితురాలి కుటుంబ సభ్యులు.. బెదిరింపులకు దిగాడు. ఈ మేరకు ఎస్ఎస్ఐ అభునాథ్ కువార్ తెలిపారు. సోమవారం నిందితుడు ఓ హాస్టల్ వద్ద కనిపించగా పోలీసులు పట్టుకున్నారు. బాధితురాలిని విడిపించారు. నిందితుడిపై ఎస్సీ, ఎస్టీ అత్యాచార నిరోధక చట్టం కింద పోలీసులు కేసు నమోదు చేశారు. బాధితురాలిని వైద్య పరీక్షలు నిర్వహించారు.
పశువులు కాసేందుకు వెళ్లిన మహిళపై..
ఝార్ఖండ్లో మరో దారుణం జరిగింది. 37 ఏళ్ల వితంతువుపై ఇద్దరు హోమ్గార్డులు అత్యాచారానికి పాల్పడ్డారు. గొడ్డా జిల్లాలో ఈ ఘటన జరిగింది. బాధిత మహిళ.. తన పొరుగింటికి చెందిన ఓ ఏడేళ్ల బాలుడిని తీసుకుని, మెహ్రామా పోలీస్ స్టేషన్ మైదానంలో పశువులు కాసేందుకు వెళ్లింది. ఈ క్రమంలో ఆమెపై ఇద్దరు హోం గార్డులు అత్యాచారానికి పాల్పడ్డారు. ఇంటికి చేరుకున్న తర్వాత తనపై జరిగిన ఘోరం గురించి తన తల్లికి, ఇరుగుపొరుగు వారికి బాధిత మహిళ చెప్పింది. దాంతో ఆమె బంధువులు, గ్రామస్థులు వెంటనే బ్లాక్ డెవలప్మెంట్ అధికారి అభిషేక్ సింగ్ వద్దకు చేరుకున్నారు. బాధిత మహిళకు వినికిడి శక్తి సైతం లేదని.. ఆమెపై అత్యాచారానికి పాల్పడిన వారిని కఠినంగా శిక్షించాలని, న్యాయం జరగాలని డిమాండ్ చేశారు. ఈ ఘటనలో ఓ నిందితుడిని అదుపులోకి తీసుకున్న పోలీసులు.. పరారీలో ఉన్న మరో నిందితుడి కోసం గాలిస్తున్నారు. ఈ కేసును తీవ్రంగా పరిగణిస్తున్నామని డీఎస్పీ శంకర్ తివారీ తెలిపారు.
ఇవీ చదవండి:
