ఇటీవల ముగిసిన నాలుగు రాష్ట్రాలు, ఓ కేంద్ర పాలిత ప్రాంత అసెంబ్లీ ఎన్నికల్లో తమ వైఫల్యాలపై చర్చిండానికి కాంగ్రెస్ వర్కింగ్ కమిటీ(సీడబ్ల్యూసీ) సోమవారం సమావేశం కానుంది. ఎన్నికల్లో తమ పనితీరుపై ఆత్మపరిశీలన చేసుకోవాలని ఆ పార్టీలోని నేతలు డిమాండ్ చేస్తున్న నేపథ్యంలో ఈ సమావేశం జరగనుందని సంబంధిత వర్గాలు తెలిపాయి.
తాజా ఓటమితో పాటు.. వచ్చే ఏడాది జరగనున్న ఎన్నికలపైనా కాంగ్రెస్ ఈ భేటీలో దృష్టిసారించనుంది. ఉత్తర్ప్రదేశ్, పంజాబ్, ఉత్తరాఖండ్, గోవా, మణిపుర్లో వచ్చే ఏడాది జరగనున్న అసెంబ్లీ ఎన్నికల్లో మంచి ప్రదర్శన చేయడంపై సీడబ్ల్యూసీ సమావేశంలో చర్చించనుంది.
అంతకుముందు.. కాంగ్రెస్ ఎంపీలతో ఆ పార్టీ అధినేత్రి సోనియాగాంధీ సమావేశమయ్యారు. ఎన్నికల్లో కాంగ్రెస్ చూపిన పని తీరు నిరాశాజనకంగా ఉందని అన్నారు.
గత లోక్సభ ఎన్నికల తర్వాతి నుంచి కాంగ్రెస్ వరుస పరాజయాల్ని చవిచూస్తోంది. ఇటీవల జరిగిన అసెంబ్లీ ఎన్నికల్లో.. ఒక్క తమిళనాడులో మాత్రమే తన మిత్రపక్షం డీఎంకే ద్వారా విజయాన్ని దక్కించుకోగలిగింది. కేరళ, అసోం, బంగాల్ పుదుచ్చేరిలో ఓటమి మూటగట్టుకుంది.
ఇదీ చూడండి: కరోనాపై అఖిలపక్ష భేటీకి సోనియా డిమాండ్
