రేవ్‌పార్టీ(Mumbai Rave Party) కేసులో తాజాగా నలుగురిని అరెస్ట్ చేసినట్లు ఎన్సీబీ అధికారులు తెలిపారు. నిందితులను ఎన్సీబీ కస్టడీకు తరలించేందుకు కోర్టును బుధవారం కోరుతామని నార్కోటిక్స్‌ కంట్రోల్‌ బ్యూరో(ఎన్సీబీ) ముంబయి జోనల్‌ డైరెక్టర్‌ అయిన సమీర్‌ వాంఖడే తెలిపారు.
" ఈ రోజు మరో నలుగురిని అరెస్ట్ చేశాం. వాళ్లు రేవ్పార్టీని నిర్వహించారు. వీరిని ఎన్సీబీ కస్టడీకు తరలించేందుకు కోర్టును అనుమతి కోరతాం. ఇప్పటివరకు ఈ కేసులో 16 మందిని అరెస్ట్ చేశాం."
-- సమీర్‌ వాంఖడే, ఎన్సీబీ ముంబయి జోనల్‌ డైరెక్టర్‌
మరోవైపు ముంబయి డ్రగ్స్ కేసుపై పంజాబ్ సీఎం చరణ్జీత్ సింగ్ చన్నీ కీలక వ్యాఖ్యలు చేశారు. విదేశాలనుంచి అక్రమంగా తరలిస్తున్న డ్రగ్స్ను అరికట్టేందుకు పంజాబ్లోని అంతర్జాతీయ సరిహద్దును మూసివేయాలని కేంద్ర హోం మంత్రి అమిత్షాను కోరారు.
ఈ కేసులో ఇప్పటికే అరెస్టయిన బాలీవుడ్‌ నటుడు షారుక్ ఖాన్ తనయుడు ఆర్యన్‌ ఖాన్ను(Aryan Khan Arrest) అక్టోబరు 7 వరకు ఎన్సీబీ కస్టడీకి తరలిస్తున్నట్లు కోర్టు ఆదేశించింది.
ఇదీ చదవండి: Drugs news: డ్రగ్స్ కేసులో షారుక్ ఖాన్ తనయుడు అరెస్ట్
