బాలీవుడ్ సూపర్స్టార్ షారూఖ్ ఖాన్ కుమారుడు ఆర్యన్ ఖాన్ నిందితునిగా ఉన్న ముంబయి క్రూయిజ్ నౌక డ్రగ్స్ కేసులో సీబీఐ విచారణ కోరుతూ సుప్రీంకోర్టులో ప్రజా ప్రయోజన వ్యాజ్యం దాఖలైంది. ఈ కేసు పలు వివాదాలకు దారితీసిన నేపథ్యంలో.. సాక్షులుగా ఉన్నవారందరికీ రక్షణ కల్పించేలా ప్రభుత్వాన్ని ఆదేశించాలని న్యాయవాది ఎంల్ శర్మ సర్వోన్నత సుప్రీంకోర్టులో పిల్ వేశారు. నిందితులకు అనుకూలంగా వాంగ్మూలం ఇచ్చేలా హింసించడం, అరెస్టు చేయడం వంటి జరగకుండా సాక్షుల రక్షణకు బాధ్యత వహించాలని పిల్లో కోరారు.
రాజ్యాంగబద్ధ సందేహాలు..
నార్కోటిక్స్ కంట్రోల్ బ్యూరో(ఎన్సీబీ) ముంబయి జోనల్‌ కమిషనర్‌ సమీర్‌ వాంఖడేపై మహారాష్ట్ర మంత్రి నవాబ్‌ మాలిక్‌ చేసిన అవినీతి ఆరోపణలను పిల్లో పిటిషనర్ లేవనెత్తారు. దర్యాప్తులో జోక్యం సహా.. అధికారిని వ్యక్తిగతంగా దూషించిన మంత్రి రాజ్యాంగబద్ధ పదవిలో కొనసాగించవచ్చా అని ప్రశ్నించారు. ఈ కేసు సాక్షుల్లో ఒకరైన ప్రభాకర్ సాయిల్ అరెస్టు చట్టబద్ధతపైనా అనుమానాలు వ్యక్తం చేశారు.
అక్టోబరు 2 అర్ధరాత్రి ముంబయి క్రూయిజ్ నౌకలో జరిగిన డ్రగ్స్ పార్టీలో ఆర్యన్ సహా 20 మందిని ఎన్సీబీ అధికారులు అరెస్టు చేశారు. నిషేధిత డ్రగ్స్ కలిగి ఉండటం, వినియోగం, అమ్మకం, కొనుగోలుకు సంబంధించి ఎన్సీబీ సెక్షన్ల కింద వీరిపై కేసు నమోదు చేసింది. ఈ కేసులో ఆర్యన్‌తోపాటు మరో ఇద్దరు బెయిల్‌పై విడుదలయ్యారు.
ఇవీ చదవండి:
