ఆవును జాతీయ జంతువుగా ప్రకటించాలని అలహాబాద్ హైకోర్టు(Allahabad High Court) కేంద్రానికి సూచించింది. ఇందుకు సంబంధించి ప్రత్యేక చట్టం చేయాలని పేర్కొంది. ఆవుకు హాని చేసేవారిని కఠినంగా శిక్షించేలా చట్టాన్ని రూపొందించాలని తెలిపింది.
భారతీయ సంస్కృతిలో ఆవు చాలా ముఖ్యమైందని జస్టిస్ శేఖర్ కుమార్ యాదవ్ అభిప్రాయపడ్డారు. అంతేగాకుండా ఆవు మాంసం తినడం అనేది ఎవరికీ ప్రాథమిక హక్కుకాదని తెలిపిన కోర్టు.. దానిని పూజించడంమే కాక దానిపై ఆధారపడి జీవనం సాగించే వారికి ప్రాథమిక హక్కుగా పరిగణించాలని కోరారు. ఇందుకు సంబంధించిన చట్టానికి రూపకల్పన చేయాలని ఆదేశించింది న్యాయస్థానం.
గోవధ కేసులో నిందితుడు అయిన జావెద్ అనే వ్యక్తికి బెయిల్ నిరాకరించిన ధర్మాసనం ఆ వ్యాఖ్యలు చేసింది. ఆవును చంపి తనడం అనేది ప్రాథమికం హక్కుగా పరిగణించలేమని ఈ సందర్భంగా స్పష్టం చేసింది. జావెద్ ఇది వరకు కూడా గోవధకు పాల్పడినట్లు పేర్కొన్న కోర్టు.. నిందితుడు చేసిన పని సమాజంలో ఉన్న మత సామరస్యాన్ని దెబ్బతీస్తుందని వ్యాఖ్యానించింది.
ఇదీ చూడండి: వలలో చిక్కిన అరుదైన చేపలు.. ధర ఎంతంటే?
