దేశంలో 33 లక్షలు దాటిన టీకా లబ్ధిదారులు

దేశంలో కరోనా టీకా పొందిన వారి సంఖ్య 33లక్షలు దాటింది. ఒక్కరోజులోనే సుమారు 4లక్షల 40వేల మందికిపైగా వ్యాక్సిన్​ అందించినట్టు పేర్కొంది కేంద్ర ఆరోగ్య శాఖ.

భారత్​లో కొవిడ్​-19 టీకా​ పంపిణీ 14 రోజు విజయవంతంగా సాగింది. దేశవ్యాప్తంగా శుక్రవారం సాయంత్రం రాత్రి 7 గంటల సమయానికి 4,40,681 మందికి వ్యాక్సిన్ అందించినట్టు తెలిపింది కేంద్ర ఆరోగ్య శాఖ. టీకా తీసుకున్న వారి సంఖ్య 33లక్షలు దాటినట్టు కేంద్ర ఆరోగ్య శాఖ వెల్లడించింది.

ఈ నెల 16న వ్యాక్సినేషన్​ ప్రారంభమైన నాటి నుంచి 62,939 ద్వారా మొత్తం 33,68,734 మందికి వ్యాక్సిన్​ పంపిణీ చేసినట్లు అధికారులు తెలిపారు.

ఇదీ చూడండి: వచ్చేనెల తొలివారం నుంచి కరోనా యోధులకు టీకా