దేశంలో రోజుకు సగటున 34లక్షల మందికి టీకా

భారత్​లో రోజుకు సగటున 34 లక్షల మందికి కరోనా వ్యాక్సిన్​ అందిస్తున్నట్టు కేంద్ర ఆరోగ్య శాఖ వెల్లడించింది. దేశవ్యాప్తంగా ఇప్పటివరకు 9.01 కోట్ల మందికి టీకా వేసినట్టు పేర్కొంది.

దేశంలో వ్యాక్సినేషన్​ ప్రారంభమైనప్పటి నుంచి బుధవారం వరకు.. రోజుకు సగటున 34 లక్షల 30వేల మందికిపైగా టీకా పంపిణీ చేస్తున్నట్టు కేంద్ర ఆరోగ్య శాఖ ప్రకటించింది. దేశవ్యాప్తంగా గురువారం ఒక్కరోజే 29.79 లక్షల మందికి వ్యాక్సిన్​ ఇవ్వగా.. మొత్తం లబ్ధిదారుల సంఖ్య 9 కోట్ల 1లక్షా 98వేల 673కు చేరిందని వెల్లడించింది.

ప్రపంచంలోనే అత్యధికంగా టీకా అందిస్తోన్న దేశాల్లో తొలి స్థానంలో ఉంది భారత్​. అంతకుముందు ఆ స్థానంలో అమెరికా ఉండగా.. ఆ దేశాన్ని భారత్ బుధవారం వెనక్కి నెట్టింది.

ఇదీ చదవండి: వైరస్​ కట్టడికి ఎంపీలో వారాంతపు లాక్​డౌన్​