కన్నడ పవర్స్టార్ పునీత్ రాజ్కుమార్(Puneeth rajkumar death) ఇక లేరనే విషయాన్ని ప్రజలు ఇప్పటికీ జీర్ణించుకోలేకపోతున్నారు. రోజూ అనేకమంది వచ్చి పునీత్ సమాధిని దర్శించుకుంటున్నారు. ఈ క్రమంలో పునీత్పై అభిమానం ఉన్న ఓ ప్రేమజంట ఆయన సమాధి ముందే వివాహం చేసుకోవాలని నిశ్చయించుకుంది.
ఏం జరిగిందంటే?
గంగ, గురు ప్రసాద్లు.. పెళ్లిచేసుకోవటానికి బళ్లారి నుంచి కంఠీరవ స్టూడియోలోని పునీత్(Puneeth rajkumar death) సమాధి వద్దకు శనివారం వెళ్లారు. వాళ్లిద్దరూ రెండేళ్లుగా ప్రేమలో ఉన్నారు. ఇద్దరూ పునీత్ రాజ్కుమార్కు వీరాభిమానులు.
అయితే పునీత్ సమాధి ముందు వివాహం చేసుకోవటానికి అక్కడి పోలీసులు అంగీకరించలేదు. దీంతో అక్కడి నుంచి వెనుదిరిగారు.
"మాకు కన్నడ పవర్స్టార్ పునీత్ రాజ్కుమార్ అంటే చాలా ఇష్టం. మేము వివాహం చేసుకునేందుకు మా తల్లిదండ్రులు, కుటుంబసభ్యులు అంగీకరించారు. కానీ ఇక్కడ వివాహం చేసుకునేందుకు పోలీసులు అనుమతి ఇవ్వలేదు."
-- ప్రేమజంట
మరోవైపు కన్నడ పవర్స్టార్ పునీత్ రాజ్కుమార్(Puneeth rajkumar death) మృతిచెంది 9 రోజులు గడిచినా.. రోజూ వేల సంఖ్యలో అభిమానులు.. కంఠీరవ స్టూడియోలోని పునీత్ సమాధి వద్దకు తరలివస్తున్నారు.
ఇదీ చూడండి: స్కూల్ పిల్లల కోసం కొత్త పథకం- బ్యాంకు ఖాతాల్లోకి నగదు
