Covid-19: దేశంలో మళ్లీ 4వేల కరోనా మరణాలు

దేశంలో కరోనా మరణాల సంఖ్యలో ఏ మాత్రం తగ్గుదల కనిపించటం లేదు. దేశవ్యాప్తంగా కొత్తగా 4,002 మంది కొవిడ్​ బారినపడి మరణించారు. మరో 84,332 కేసులు నమోదయ్యాయి.

దేశవ్యాప్తంగా కరోనా కేసుల్లో(Covid in India) తగ్గుదల కనిపించినా.. మరణాల సంఖ్య మాత్రం తగ్గడం లేదు. దేశవ్యాప్తంగా కొత్తగా 4,002 మంది కొవిడ్(Corona deaths)​ బారినపడి మరణించారు. తాజాగా మరో 84,332 కేసులు వెలుగులోకి వచ్చాయి. 70 రోజుల తర్యాత ఇంత తక్కువ స్థాయిలో కేసులు నమోదయ్యాయి.

• మొత్తం కేసులు: 2,93,59,155
• యాక్టివ్ కేసులు: 10,80,690
• కోలుకున్నవారు: 2,79,11,384
• మొత్తం మరణాలు: 3,67,081

కరోనా సోకిన వారిలో మరో 1,21,311 మంది కోలుకున్నట్టు కేంద్ర ఆరోగ్య శాఖ గణాంకాలు వెల్లడిస్తున్నాయి. దీంతో రికవరీ రేటు 95.07 శాతానికి పెరిగింది. మరణాల రేటు స్థిరంగా 1.24 శాతానికి తగ్గింది.

• " class="align-text-top noRightClick twitterSection" data="">

కొత్తగా 20,44,131 టెస్టులు నిర్వహించగా.. మొత్తం టెస్టుల సంఖ్య 37,42,42,384 కి చేరింది.

ఇదీ చదవండి:కరోనా మృతుల కుటుంబాలకు పరిహారం!