Corona Cases in India: భారత్లో కరోనా వ్యాప్తి స్థిరంగా కొనసాగుతోంది. కొత్తగా 5,784 కరోనా కేసులు వెలుగులోకి వచ్చాయి. మరో 252 మంది ప్రాణాలు కోల్పోయారు. 24 గంటల వ్యవధిలో 7,995 మంది వైరస్ను జయించారు.
- మొత్తం మరణాలు: 4,75,888
- యాక్టివ్ కేసులు: 88,993
- కోలుకున్నవారు: 3,41,38,763
Vaccination in India
దేశవ్యాప్తంగా టీకా పంపిణీ కార్యక్రమం జోరుగా సాగుతోంది. సోమవారం 66,98,601 మంది లబ్ధిదారులకు వ్యాక్సిన్ అందించారు. దీంతో ఇప్పటివరకు పంపిణీ అయిన డోసుల సంఖ్య 1,33,88,12,577కు చేరింది.
World Covid cases
ప్రపంచవ్యాప్తంగా 4,66,234 కొత్త కేసులు వెలుగుచూశాయి. తాజాగా 4,861 మంది ప్రాణాలు కోల్పోయారు. 24 గంటల వ్యవధిలో 4,99,003 మంది కోలుకున్నారు. అన్ని దేశాల్లో కలిపి రెండు కోట్ల 20 లక్షలకుపైగా యాక్టివ్ కేసులు ఉన్నాయి.
- అమెరికాలో కరోనా విలయతాండవం చేస్తోంది. ఒక్కరోజే 95,343 కొవిడ్ కేసులు బయటపడ్డాయి. 549 మంది మృతి చెందారు. మొత్తం కేసుల సంఖ్య 5 కోట్ల 10 లక్షలు దాటింది. మరణాల సంఖ్య 8 లక్షలు దాటింది.
- బ్రిటన్లో కొత్తగా 54,661 కరోనా కేసులు వెలుగులోకి వచ్చాయి. 38 మంది వైరస్ ధాటికి ప్రాణాలు కోల్పోయారు. మొత్తం కేసుల సంఖ్య కోటీ 8 లక్షలు దాటింది.
- రష్యాలో వైరస్ మృత్యుఘంటికలు మోగిస్తోంది. ఒక్కరోజే 1,121 మంది మరణించారు. కొత్తగా 29,558 కేసులు నమోదయ్యాయి.
- ఫ్రాన్స్లో కొత్తగా 12,036 కేసులు వెలుగులోకి వచ్చాయి.
- జర్మనీలో వైరస్ విజృంభిస్తోంది. తాజాగా 28,804 కేసులు.. 260 మరణాలు సంభవించాయి.
ఇదీ చూడండి: జోరెత్తుతున్న మత్తు విక్రయాలు- ఎన్సీబీకి సిబ్బంది కరవు
