కాంగ్రెస్ పార్టీ దిగ్గజ నాయకులు అహ్మద్ పటేల్, తురుణ్ గొగొయికి నివాళులు అర్పించింది కాంగ్రెస్ వర్కింగ్ కమిటీ(సీడబ్ల్యూసీ). వీడియో కాన్ఫరెన్స్ ద్వారా జరిగిన ఈ సమావేశంలో కాంగ్రెస్ అధ్యక్షురాలు సోనియా గాంధీతోపాటు పార్టీ అగ్రనేత రాహుల్ గాంధీ, సీనియర్ నాయకులు పాల్గొన్నారు.
"అహ్మద్ పటేల్ మరణం తీవ్ర దిగ్భ్రాంతికి గురిచేసింది. పార్టీ సంపదను కోల్పోయాము. నాలుగు దశాబ్దాలుగా పార్టీకి పటేల్ చేసిన సేవలు ప్రశంసనీయం. కాంగ్రెస్ అజెండానే తన అజెండాగా పనిచేశారు. పార్టీకి చేసిన కృషి వల్ల ఎంతో మంది అభిమానులు, స్నేహితులను పటేల్ సంపాదించుకున్నారు."
--అహ్మద్ పటేల్ మృతిపై సీడబ్ల్యూసీ.
అసోం మాజీ ముఖ్యమంత్రి తరుణ్ గొగొయికి నాలుగు దశాబ్దాల పాటు చేసిన సేవలను కొనియాడింది సీడబ్ల్యూసీ.
" మూడు పర్యాయాలు అసోంకు ముఖ్యమంత్రిగా పనిచేశారు. ఆరుసార్లు ఎంపీగా గెలుపొందారు. పార్టీకి ఆయన సేవలు ప్రశంసనీయం. గొగొయి అసోం ప్రజల గొంతుక. అసోంలో అత్యంత శక్తిమంతమైన నాయకుడిగా ఎదిగారు. "
-తరుణ్ గొగొయి మృతిపై సీడబ్ల్యూసీ.
నవంబరు 23న అసోం మాజీ ముఖ్యమంత్రి తరుణ్ గొగొయి గువాహటిలో మృతి చెందగా, నవంబరు25న కాంగ్రెస్ సీనియర్ నేత అహ్మద్ పటేల్ గురుగ్రామ్లో తుదిశ్వాస విడిచారు.
ఇదీ చదవండి: అసోం మాజీ సీఎం గొగొయి కన్నుమూత
ఇదీ చదవండి:అహ్మద్ పటేల్ మృతిపై ప్రముఖుల విచారం
