పెట్రోల్ ధరల పెరుగుదలను నిరసిస్తూ కాంగ్రెస్ శుక్రవారం దేశవ్యాప్త ఆందోళన చేపట్టింది. దేశ రాజధాని దిల్లీ సహా వివిధ రాష్ట్రాల్లో పార్టీ కార్యకర్తలు పెట్రోల్ బంకుల వద్ద నిరసన తెలిపారు.
"యూపీఏ అధికారంలో ఉన్నప్పుడు.. పెట్రోల్, డీజిల్పై పన్ను రూ.9.20గా ఉండేది. కానీ ప్రస్తుతం అది రూ.32గా ఉంది. పెట్రోల్, డీజీల్పై ఎక్సైజ్ సుంకాన్ని ప్రభుత్వం ఉపసంహరించుకోవాలని మేం డిమాండ్ చేస్తున్నాం. ఇంధన ధరలను కూడా జీఎస్టీ పరిధిలోకి తీసుకురావాలి," అని దిల్లీలో కాంగ్రెస్ నేత కేసీ వేణుగోపాల్ డిమాండ్ చేశారు.
పంజాబ్ అమృత్ సర్లో కాంగ్రెస్ కార్యకర్తలు పెద్ద ఎత్తున నిరసన చేపట్టారు. ఇంధన ధరలను ప్రభుత్వం తగ్గించాలని డిమాండ్ చేశారు.
కర్ణాటక హుబ్లీలోనూ కాంగ్రెస్ నిరసన కొనసాగింది. ప్లకార్డులు పట్టుకుని ప్రభుత్వానికి వ్యతిరేకంగా నినాదాలు చేశారు.
మరోవైపు దేశంలో పెట్రోల్, డీజిల్ ధరలు మళ్లీ పెరిగాయి. దేశ రాజధాని దిల్లీలో లీటర్ పెట్రోల్ ధర శుక్రవారం 29 పైసలు పెరిగి.. రూ.95.91 వద్దకు చేరింది. డీజిల్ ధర కూడా లీటర్పై 28 పైసలు పెరిగి రూ.86.81 వద్ద ఉంది.
ఇదీ చూడండి: petrol price:పెట్రోల్ ధరల్లో భారత్ ర్యాంక్ ఎంతో తెలుసా?
ఇదీ చూడండి: 'మోదీ హయాంలో ధరల పెరుగుదలలో వికాసం'
