తమిళనాడులో అసెంబ్లీ ఎన్నికల నేపథ్యంలో కాంగ్రెస్ అప్రమత్తమవుతోంది. ఎన్నికల్లో పార్టీ కార్యాచరణ కోసం శనివారం పోల్ ప్యానెల్స్ను ఏర్పాటు చేసింది. సీనియర్ నేతలు చిదంబరం, మణి శంకర్ అయ్యర్లకు కీలక బాధ్యతలు అప్పగించింది.
ఎన్నిల కార్యకలాపాల కోసం మొత్తం 32మంది ఉపాధ్యక్షులు, 57మంది జనరల్ సెక్రెటరీలు, 104 మంది సెక్రెటరీలతో జంబో ప్యానెల్ను ఏర్పాటు చేసేందుకు పార్టీ అధిష్ఠానం ఆమోద ముద్ర వేసింది.
వివిధ కమిటీల బాధ్యత వీరిదే..
- ఎగ్జిక్యూటివ్ కమిటీ(56 మంది)-తమిళనాడు కాంగ్రెస్ కమిటీ అధ్యక్షుడు కే ఎస్ అళగిరి, కేంద్ర మాజీ మంత్రి చిదంబరం, అయ్యర్, పలువురు మంత్రుల ఆధ్వర్యంలో పనిచేయనుంది.
- ఎన్నికల కమిటీ (34)-అళగిరి, కాంగ్రెస్ సభా పక్ష నేత కే ఆర్ రామస్వామి, చిందంబరం, అయ్యర్
- ఎన్నికల కో-ఆర్డినేషన్ ప్యానెల్(19)- మాజీ ఎంపీ ఈవీకేఎస్ ఎలంగోవన్.
- మేనిఫెస్టో కమిటీ- మాజీ ఎంపీ ఎస్ పీటర్ ఆల్ఫోన్స్, అయ్యర్, కార్తీ చిదంబరం, ఠాగూర్, జోతిమణి.
- ఎలక్షన్ ప్రొపగండ/ర్యాలీ కమిటీ- ఎంపీ ఎస్యూ. తిరుననవుక్కరసర్ (ఛైర్మన్)
- పబ్లిసిటీ కమిటీ- కేవీ తంగ్కబలు(ఛైర్మన్)
- ఎలక్షన్ మేనేజ్మెంట్ టీమ్- సీఎల్పీ నేత రామస్వామి.
ఏప్రిల్-మే సమయంలో తమిళనాడులో అసెంబ్లీ ఎన్నికలు జరగనున్న నేపథ్యంలో కాంగ్రెస్ ముందుగానే ఈ ప్యానెళ్లను ఏర్పాటు చేయడం ప్రాధాన్యం సంతరించుకుంది. ఈ ఎన్నికల్లో కాంగ్రెస్ స్థానిక పార్టీ ద్రవిడ మున్నెట్ర కళగం (డీఎంకే)తో కూటమిగా బరిలోకి దిగనుంది.
ఇదీ చదవండి:కేరళ సముద్ర తీరాన 'బాహుబలి' శివుడు
