కేరళ అసెంబ్లీ ఎన్నికల్లో వామపక్ష ప్రజాస్వామ్య కూటమి(ఎల్డీఎఫ్) రెండోసారి ఘన విజయం సాధించింది. ఈ క్రమంలో తన పదవికి ఆ రాష్ట్ర ముఖ్యమంత్రి పినరయి విజయన్ రాజీనామా చేశారు. ఈ మేరకు రాజీనామాను ఆ రాష్ట్ర గవర్నర్ ఆరిఫ్ మహ్మద్ ఖాన్కు సమర్పించారని కేరళ ముఖ్యమంత్రి కార్యాలయం ట్విట్టర్ వేదికగా తెలిపింది.
"అసెంబ్లీ ఎన్నికల ఫలితాలు ప్రకటించిన తరుణంలో.. రాష్ట్ర గవర్నర్ను రాజ్భవన్లో ముఖ్యమంత్రి పినరయి విజయన్ కలిశారు. తన రాజీనామాను గవర్నర్కు సమర్పించారు."
-కేరళ ముఖ్యమంత్రి కార్యాలయం
పినరయి విజయన్ రాజీనామాను గవర్నర్ ఆరిఫ్ ఖాన్ ఆమోదించారని రాజ్భవన్ ట్విట్టర్ వేదికగా తెలిపింది. అయితే.. తదుపరి ఏర్పాట్లు పూర్తయ్యేవరకు పినరయి విజయన్ను, తన మంత్రి మండలిని కొనసాగించాలని గవర్నర్ కోరినట్లు తెలిపింది.
2021 కేరళ అసెంబ్లీ ఎన్నికల్లో అధికార ఎల్డీఎఫ్ 99 స్థానాల్లో గెలుపొంది రెండోసారి చారిత్రక విజయాన్ని సొంతం చేసుకుంది. కాంగ్రెస్ సారథ్యంలో యూడీఎఫ్ 41 స్థానాలకే పరిమితమైంది. ఇక కమలంపార్టీ ఈ ఎన్నికల్లో ఖాతా తెరవలేకపోయింది.
ఇదీ చూడండి: కేరళ అసెంబ్లీలో మామాఅల్లుళ్ల సందడి
ఇదీ చూడండి: పునరపి విజయం- చరిత్ర సృష్టించిన ఎల్డీఎఫ్!
