'అభివృద్ధి పేరుతో తమిళ ప్రజలకు మోసం'

ఐరాసలో శ్రీలంక వ్యతిరేక తీర్మానంపై జరిగిన ఓటింగ్​లో భారత్​ దూరంగా ఉండటాన్ని తప్పుపట్టారు కేంద్ర మాజీ ఆర్థిక మంత్రి పీ చిదంబరం. అభివృద్ధి పేరుతో తమిళ ప్రజలను మోసం చేశారని ధ్వజమెత్తారు.

ఐక్యరాజ్యసమితి మానవ హక్కుల మండలి(యూఎన్​హెచ్ఆర్​సీ)లో శ్రీలంకకు వ్యతిరేకంగా తీసుకొచ్చిన తీర్మానంపై ఓటింగ్​కు భారత్​ దూరంగా ఉండటంపై తీవ్ర విమర్శలు గుప్పించారు కాంగ్రెస్​ సీనియర్​ నేత చిదంబరం. తమిళనాడులో మరికొన్ని రోజుల్లో జరగనున్న ఎన్నికల్లో ఏఐఏడీఎంకే-భాజపా కూటమికి తగిన బుద్ధి చెప్పాలని రాష్ట్ర ప్రజలను కోరారు. అభివృద్ధి పేరుతో రాష్ట్ర ప్రజలను మోసం చేశారని ధ్వజమెత్తారు.

"యూఎన్​హెచ్​ఆర్​సీలో శ్రీలంక వ్యతిరేక తీర్మానంపై ఓటింగ్​లో భారత్​ దూరంగా ఉంది. ఇది తమిళ ప్రజలకు చేసిన మోసం. తమిళ ప్రజల ప్రయోజనాలను దృష్టిలో ఉంచుకుని.. ఏఐఏడీఎంకే-భాజపా కూటమికి తగిన శిక్ష విధించాలి" అని వరుస ట్వీట్​లు​ చేశారు చిదంబరం.

ఆ ఓటింగ్​లో భారత ప్రతినిధులను దూరంగా ఉండాలని బలవంతం చేసినట్లయితే విదేశాంగ మంత్రి ఎస్​ జైశంకర్​ వెంటనే రాజీనామా చేయాలని డిమాండ్​ చేశారు కేంద్ర మాజీ మంత్రి.

ఇదీ చూడండి: యూఎన్​హెచ్​ఆర్​సీలో లంకకు వ్యతిరేకంగా తీర్మానం