Chain Snatcher Died: కేరళలో చైన్ స్నాచింగ్‌ల కేసులో నిందితుడైన ఓ 17 ఏళ్ల యువకుడు మరణించాడు. ఆదివారం తిరువనంతపురంలోని నరువామూడు వద్ద జాతీయ రహదారిపై రోడ్డు డివైడర్‌ను బైక్ ఢీకొనడం వల్ల మృతి చెందాడు. అతడితో పాటు బైక్పై వెళుతున్న మరో నిందితుడు తీవ్రంగా గాయపడ్డాడు.
నిందితులిద్దరూ తమిళనాడులోని కన్యాకుమారి జిల్లా తుక్కలే ప్రాంతంలో బంగారు గొలుసు దొంగలించి తిరిగి వస్తుండగా ఈ ఘటన జరిగిందని పోలీసులు తెలిపారు. రోడ్డు ప్రమాదానికి సంబంధించి పోలీసులు కేసు నమోదు చేశారు. మృతుడిపై ఒక స్నాచింగ్‌ కేసు నమోదు కాగా, అతడి సహ నిందితుడు కేరళలో 15 స్నాచింగ్‌ కేసుల్లో ప్రమేయం ఉన్నట్లు పోలీసులు తెలిపారు.
ఇదీ చదవండి: బెల్టులతో కొడుతూ చిత్రహింసలు.. మూకదాడిలో యువకుడు మృతి
