హోలీ, ఈస్టర్, ఈద్ పండగలు రానున్న నేపథ్యంలో జనం గుంపులుగా ఏర్పడకుండా జాగ్రత్తలు తీసుకోవాలని రాష్ట్రాలు, కేంద్రపాలిత ప్రాంతాలకు కేంద్రం సూచించింది. దేశంలో కరోనా కేసులు పెరుగుతున్నందున కేంద్రం ఇప్పటికే సిఫార్సు చేసిన మార్గదర్శకాలను తప్పక పాటించాలని కేంద్ర హోంశాఖ కార్యదర్శి అజయ్ భల్లా స్పష్టం చేశారు. వైరస్ వ్యాప్తిని ఎప్పటికప్పుడు అంచనా వేయాలని తెలిపారు. టెస్ట్-ట్రాక్-ట్రీట్ నమూనాను అనుసరించాలని కోరారు.
పండగల వేళ జనం గుంపులుగా ఏర్పడే ప్రదేశాల్లో అవసరమైన నిబంధనలను అమలు చేసే బాధ్యతను జిల్లా స్థాయి యంత్రాంగానికి అప్పగించాలని రాష్ట్ర కార్యదర్శులకు అజయ్ భల్లా సూచించారు. ప్రజల్లో అవగాహన పెంపొందించేందుకు ప్రచార కార్యక్రమాలను ప్రారంభించాలని తెలిపారు.
ఇదీ చదవండి: కరోనా సెకండ్ వేవ్- కారణాలు ఏంటంటే?
