బంగాల్లో ఏడో దఫా ఎన్నికల ప్రచార గడువు శుక్రవారం సాయంత్రంతో ముగిసింది. 34 అసెంబ్లీ స్థానాల్లో.. ఈ నెల 26న (సోమవారం) ఓటింగ్ జరగనుంది. రాష్ట్రంలో కరోనా కేసులు విస్తరిస్తున్న వేళ ఎన్నికల సంఘం అప్రమత్తమైంది. ఈ మేరకు ఓటింగ్కు మూడు రోజుల ముందే ప్రచారం ముగించాలని ఆయా పార్టీలకు సూచించింది. దీంతో పోలింగ్కు 72 గంటల ముందే ఎన్నికల ప్రచారానికి తెరపడింది.
మొత్తం 86,78,221 మంది ఓటర్లు ఈ ఏడో దశలో ఓటుహక్కు వినియోగించుకోనున్నారు. ఇందులో 44,44,634 మంది పురుషులు ఉండగా.. 42,33,358 మంది స్త్రీలు ఉన్నారు. 229 మంది ట్రాన్స్జెండర్లు కూడా ఓటింగ్లో భాగం కానున్నారు. 14,480 పోలింగ్ కేంద్రాల్లో ఓటింగ్ జరగనుంది. మొత్తం 34 స్థానాలకు గానూ 12,068 పోలింగ్ కేంద్రాల్లో ఓటింగ్ జరగనుంది.
ఇద్దరు అభ్యర్థులు మరణించిన నేపథ్యంలో సంసర్‌గంజ్, జంగిపూర్‌ అసెంబ్లీ స్థానాలకు మే 16న పోలింగ్ నిర్వహిస్తున్నట్లు ఎన్నికల సంఘం ప్రకటించింది.
తృణమూల్ పార్టీ సీనియన్ నాయకుడు అయిన సోవాండేబ్ ఛటోపాధ్యాయ.. భబానిపూర్ నుంచి తన అదృష్టాన్ని పరీక్షించుకోనున్నారు. సినీ నటుడు రుద్రానిల్ ఘోష్‌ భాజపా నుంచి గెలవాలని తహతహలాడుతున్నారు. కోల్కతా పోర్ట్ నియోజకవర్గం నుంచి రాష్ట్రమంత్రి ఫిర్హాద్ హకీమ్ బరిలో ఉన్నారు.
ఇదీ చూడండి: బంగాల్: ఎనిమిదో దశలో 23% మందికి నేరచరిత
