Campaign restrictions Assembly Elections: కరోనా వ్యాప్తి వేళ ప్రచారాలపై ఆంక్షలు విధించిన భారత ఎన్నికల సంఘం(ఈసీ).. వాటిని క్రమంగా సడలిస్తోంది. తాజాగా సమావేశాలు, రోడ్షోలపై ఉన్న పరిమితులను సడలించింది.
రాజకీయ పార్టీలు, నేతలు.. 50 శాతం సామర్థ్యంతో సమావేశాలు, ర్యాలీలు, రోడ్‌షోలను నిర్వహించుకోవచ్చని ఈసీ తెలిపింది. రాష్ట్ర విపత్తు నిర్వహణ అథారిటీ(ఎస్డీఎంఏ) నిబంధనలకు లోబడి.. జిల్లా అధికారుల ముందస్తు అనుమతితో రోడ్షోలు నిర్వహించుకోవచ్చని పేర్కొంది. ఎన్నికల ప్రచారానికి సంబంధించి ఇప్పటికే ఉన్న ఇతర నిబంధనలు కొనసాగుతాయని స్పష్టం చేసింది.
కరోనా నేపథ్యంలో ఎన్నికల జరుగుతున్న రాష్ట్రాల్లో జనవరి 8న పాదయాత్ర, రోడ్షోలు, ర్యాలీలు, సభలపై ఈసీ ఆంక్షలు విధించింది. అయితే దేశంలో కొవిడ్ కేసులు భారీగా తగ్గిన నేపథ్యంలో ఆయా రాష్ట్రాల్లో పరిస్థితులను సమీక్షించిన ఈసీ.. ఆంక్షలను సడలించింది.
గోవా, పంజాబ్, ఉత్తరాఖండ్ రాష్ట్రాల్లో ఎన్నికలు ముగియగా.. ప్రస్తుతం మణిపుర్లో రెండు దశల , ఉత్తర్ప్రదేశ్లో 5,6,7 విడతల పోలింగ్కు ప్రచారం జరుగుతోంది.
ఇదీ చూడండి: 21 అడుగులు ఎత్తయిన చెరకు తోట- కుబేరుడైన రైతు!
