పాక్​ చొరబాటుదారుడిని హతమార్చిన భారత సైన్యం

రాజస్థాన్​లోని భారత్​-పాక్​ అంతర్జాతీయ సరిహద్దులో చొరబాటుదారుడిని భద్రతా దళాలు హతమార్చాయి. శ్రీ గంగానగర్​-బికనేర్​ బెల్ట్​ ప్రాంతంలో శుక్రవారం రాత్రి ఈ ఘటన జరిగినట్లు అధికారులు తెలిపారు.

రాజస్థాన్​లోని భారత్​-పాక్​ అంతర్జాతీయ సరిహద్దు వద్ద చొరబాటు యత్నాన్ని భద్రతా దళాలు భగ్నం చేశాయి. పాకిస్థాన్ ​నుంచి అక్రమంగా దేశంలోకి ప్రవేశించేందుకు యత్నించిన చొరబాటుదారుడిని భారత సైన్యం కాల్చి చంపింది. ఈ ఘటన శుక్రవారం రాత్రి.. అనూప్​ఘడ్​లోని శ్రీ గంగానగర్-బికనేర్​ బెల్ట్ ప్రాంతంలో జరిగిందని అధికారులు తెలిపారు.

మృతదేహాన్ని స్థానిక పోలీస్​ స్టేషన్​లో అప్పగించి.. ఘటనా స్థలంలో దర్యాప్తు చేస్తున్నట్లు వివరించారు.

ఇదీ చదవండి : 'ఫాస్టాగ్​​ రద్దు' పిల్​ను కొట్టేసిన కర్ణాటక హైకోర్టు