Blast in Udhampur: జమ్ముకశ్మీర్లోని ఉదమ్పుర్లో రోడ్డు పక్కన భారీ పేలుడు సంభవించింది. ఈ ఘటనలో ఒకరు చనిపోగా.. మరో 15 మందికి గాయాలు అయినట్లు అధికారులు తెలిపారు. పేలుడు జరిగిన విషయం తెలుసుకున్న పోలీసులు వెంటనే ఘటనాస్థలికి చేరుకున్నారు.
భద్రతా దళాలు బ్లాస్ట్ జరిగిన ప్రాంతాన్ని వారి అధీనంలోకి తీసుకున్నాయి. ఈ ఘటనపై దర్యాప్తు ప్రారంభించిన అధికారులు నిందితుల కోసం గాలిస్తున్నారు.
మరో బ్లాస్ట్...
బిహార్లోని గోపాల్గంజ్ జిల్లాలో మరో పేలుడు జరిగింది. ఈ ఘటనలో కూడా ఒకరు చనిపోగా చాలా మందికి గాయాలయ్యాయి. ఈ ఘటన ఫుల్వారియా పోలీస్ స్టేషన్ పరిధిలోని బతువా బజార్‌లో జరిగింది.
ఆ భారీ పేలుడులో 50 ఏళ్ల వ్యక్తి చనిపోయారు. మృతుడ్ని అలీమ్ మియాన్గా పోలీసులు గుర్తించారు. మియాన్ ఇంటి సమీపంలో ఈ ఘటన జరిగనట్లు చెప్పారు. ఈ బ్లాస్ట్లో అతని ఇల్లు ధ్వంసం అయినట్లు పేర్కొన్నారు.
పేలుడు సమాచారం తెలిసిన వెంటనే ఘటనాస్థలికి చేరుకున్న పోలీసులు మృతదేహాన్ని పోస్టుమార్టంకు తరలించారు. ఇందులో తీవ్రంగా గాయపడిన మరో వ్యక్తి అక్తమ్ ఆలమ్‌ను ఆసుపత్రిలో చేర్చారు.
ఇదీ చూడండి:
'ఆవు పేడ' సూట్కేస్లో బడ్జెట్ పత్రాలు- వినూత్నంగా అసెంబ్లీకి సీఎం
