Boy Friend On Rent Bihar: ప్రపంచవ్యాప్తంగా ప్రేమికులు 'వాలెంటైన్స్ వీక్'ను జరుపుకొంటున్నారు. ఈ క్రమంలో బిహార్, దర్భంగాకు చెందిన ఇంజినీరింగ్ విద్యార్థి ప్రియాన్షు మాత్రం 'అద్దెకు బాయ్ఫ్రెండ్' అనే ప్లకార్డుతో వీధి వీధి తిరుగుతూ ప్రదర్శనలు చేస్తున్నాడు. ఈ విధంగా ప్రేమ సందేశాన్ని ప్రజలకు అందిస్తున్నాడు. నగరంలోని రాజ్కోట్, చర్చి, దర్భంగా టవర్, బిగ్బజార్ లాంటి రద్దీ ప్రాంతాల్లో ఈ ప్లకార్డును ప్రదర్శిస్తున్నాడు ప్రియాన్షు.
దర్భంగా ఇంజినీరింగ్ కాలేజీలో ఐదో సెమిస్టర్ చదువుతున్న ప్రియాన్షు.. అంతకుముందు క్రిస్మస్ సందర్భంగా.. 'ఫ్రీ హగ్' పేరుతో ఓ వినూత్న కార్యక్రమాన్ని నిర్వహించాడు. ఈ ప్రోగ్రాంకు విపరీతమైన ఆదరణ ఏర్పడింది. చాలా మంది నుంచి ప్రశంసలు దక్కాయి.
అందుకే వినూత్న ప్రదర్శన..
తాము ఒంటరిగా ఉన్నామని భావించే వారి ముఖంలో చిరునవ్వు చూడాలని ఇలా ప్లకార్డుతో ప్రదర్శన చేస్తున్నానని 'ఈటీవీ భారత్'తో చెప్పాడు ప్రియాన్షు. యువత ప్రేమ, ఇతర వ్యవహారాల్లో సమయం వృథా చేయకుండా.. తమ విలువైన సమయాన్ని దేశం కోసం కేటాయించాలన్న ఉద్దేశంతోనే ఇలా వినూత్నంగా ప్రదర్శన చేపట్టినట్లు పేర్కొన్నాడు.
ఇదీ చూడండి: రైలులో యువతిపై అత్యాచారం- 15 మంది అరెస్ట్
