Borewell Baby Rescue Operation: పొలంలో ఆడుకుంటున్న ఓ చిన్నారి అకస్మాత్తుగా అక్కడే ఉన్న ఓ బోరుబావిలో పడిపోయింది. బోరులో చిక్కుకున్న ఈ చిన్నారిని వెలికితీసేందుకు అధికారులు సహాయక చర్యలు ముమ్మరం చేశారు. ఈ ఘటన మధ్యప్రదేశ్లోని ఛత్తర్పుర్ జిల్లా దౌనీ అనే గ్రామంలో జరిగింది.
ఇదీ జరిగింది..
ఏడాదిన్నర వయసు గల దివ్యాన్షి పొలంలో ఆడుకుంటుండగా అక్కడే తెరిచి ఉన్న ఓ బోరు బావిలోకి జారి పడింది. చిన్నారి ఏడుపు విని అక్కడికి చేరుకున్న తల్లిదండ్రులు ఆమెను వెలికితీసేందుకు ప్రయత్నించారు. అయినా ఫలితం లేకపోవడం వల్ల అధికారులకు సమాచారం ఇచ్చారు. హుటాహుటిన ఘటనాస్థలానికి చేరుకున్న అధికారులు సహాయక చర్యలు చేపట్టారు.
చిన్నారి జారి పడిన ఈ బోరు ఎండిపోయి చాలా కాలం అయిందని.. దీని లోతు 15 అడుగులు ఉంటుందని అధికారులు వెల్లడించారు. ప్రస్తుతం దివ్యాన్షి సురక్షితంగానే ఉందని.. వీలైనంత త్వరగా ఆమెను వెలికి తీస్తామని స్పష్టం చేశారు.
ఇదీ చూడండి : అదనుచూసి లేడిని వేటాడిన చిరుత- వీడియో వైరల్
