140 స్థానాలున్న కేరళ అసెంబ్లీ ఎన్నికల్లో భారతీయ జనతా పార్టీకి ఉన్న బలం ఒక్కటంటే ఒక్కటే. 2016 అసెంబ్లీ ఎన్నికల్లో ఆ పార్టీ ఖాతా తెరిచింది. వామపక్షాల ఇలాకాలో భాజపా పరిస్థితేంటో దీన్ని బట్టి అర్థమవుతుంది. ఇది మార్చేందుకే కాషాయ పార్టీ కంకణం కట్టుకున్నట్లు తెలుస్తోంది. ప్రజల్లో ఆదరణ ఉన్న వ్యక్తులను ఇందుకు ఉపయోగించుకుంటోంది. ఈ క్రమంలోనే 'మెట్రోమ్యాన్'గా పిలిచే శ్రీధరన్ను పార్టీలోకి ఆహ్వానించింది.
ఇదీ చదవండి: కేరళలో ఇప్పుడైనా భాజపా పుంజుకుంటుందా?
భాజపా రాష్ట్ర అధ్యక్షుడు కే సురేంద్రన్ తలపెట్టిన విజయ యాత్రలో భాగంగా.. ఈ.శ్రీధరన్కు పార్టీ సభ్యత్వాన్ని ఇవ్వనున్నట్లు పార్టీ ప్రకటించింది. త్రిస్సూర్ లేదా ఎర్నాకులం నుంచి ఆయన్ను బరిలోకి దించాలని భావిస్తోంది. తద్వారా మెట్రోమ్యాన్ ఇమేజ్ను ఎన్నికల్లో సొమ్ము చేసుకోవాలని అనుకుంటోంది భాజపా. అభివృద్ధి విషయాల్లో ఆయనకు ఉన్న మంచిపేరు పార్టీకి లాభిస్తుందని విశ్వసిస్తోంది.
ఇదీ చదవండి: 'భాజపా అధికారంలోకి వస్తే సీఎం పదవికి సై'
గత లోక్సభ ఎన్నికల సమయంలోనే మెట్రోమ్యాన్ భాజపాలో చేరతారంటూ పుకార్లు వచ్చాయి. పార్టీ నేతలు సైతం ఆయనతో చర్చలు జరిపినట్లు వార్తలు వెలువడ్డాయి. అయితే అప్పుడు వీటిపై శ్రీధరన్ స్పందించలేదు. తాజాగా భాజపా జాతీయ స్థాయి నేతలు శ్రీధరన్తో మరోసారి చర్చించి, ఆయన అభిప్రాయాన్ని కోరారు. ఈ సమావేశంలోనే మెట్రోమ్యాన్ భాజపాలో చేరేందుకు సుముఖత వ్యక్తం చేసినట్లు సమాచారం.
ఎన్నికల వేడి మొదలవ్వక ముందే పార్టీలోకి ఆదరణ కలిగిన వ్యక్తులను ఆహ్వానించాలని అధిష్ఠానం నుంచి రాష్ట్ర నేతలకు ఆదేశాలు వచ్చాయి. ఈ నేపథ్యంలో మరికొందరు ప్రముఖులు సైతం భాజపాకు వచ్చే అవకాశం ఉందని తెలుస్తోంది. వీరందరికీ 'విజయ యాత్ర'లోనే పార్టీ సభ్యత్వం ఇవ్వనున్నట్లు సమాచారం.
ఇదీ చదవండి:
